| e-texts navigator |
| Wylie |
306b1 ཏུ་སྤྱོད།། བརྟུལ་ཞུགས་དང་ནི་མཉམ་གཞག་གིས།། རིག་པ་འཛིན་པའི་སྤྱོད་པ་བསྡུས།། མཐར་ཐུག་པ་ནི་ཐུན་མོང་ཡིན།། རྒྱུད་ཀུན་གྱི་ནི་གླེང་བསླང་བ།། ཨེ་བཾ་མ་ཡཱ་ཤྲུ་ཏ་བྷ་ག་བཱན་ཀཱ་ཡ་བཱ་ཀ་ཙིཏྟ་སཾ་མུ་དི་ཏ།།
306b2 བཛྲ་བ་མན་ཏ་ཡང་ན་ཏ། འདི་ཉིད་ཀྱི་ནི་སྒྲས་བརྗོད་པའི།། ཡོན་ཏན་མ་ལུས་གླེང་གཞིའོ།། དེ་ཡིས་གླེང་བསླང་ཉིད་དུ་འགྱུར།། གཞི་དང་ལམ་དང་འབྲས་བུ་དག། འདི་ཡི་དོན་དུ་གཉེར་བྱ་ཡིན།། ཤེས་བྱ་གཤིས་དང
306b3 ལམ་གང་ཟག། ཐོབ་བྱ་འབྲས་བུ་དག་གིས་དབྱེ།། བསོད་ནམས་དང་ནི་ཡེ་ཤེས་ཀྱི།། ཚོགས་དང་སྨིན་དང་གྲོལ་བ་དང་།། བསྐྱེད་དང་རྫོགས་དང་ཤིན་ཏུ་རྫོགས།། རྣལ་འབྱོར་གསུམ་གྱིས་རབ་ཕྱེ་བའི།། ལམ་གྱི
306b4 ཡན་ལག་རབ་ཏུ་བསྡུས།། མ་འོངས་པ་ཡི་དུས་དག་ཏུ།། བྱང་ཆུབ་སེམས་དཔའ་ཚུལ་ཆེན་པོ།། དཔའ་བོ་སྐྱེས་མཆོག་འཇིག་རྟེན་མགོན།། བསམ་སྦྱོར་ཕུན་སུམ་ཚོགས་པ་ཡིས།། དུས་གསུམ་སངས་རྒྱས་ཡབ་ཀྱི
306b5 གདུང་།། ལེགས་འཛིན་བསམ་གྱིས་མི་ཁྱབ་པ།། ཇི་ལྟར་འབྱུང་བ་གསུངས་པ་ཡིས།། ཐེ་ཚོམ་མེད་པར་དོན་བསྒྲུབ་འགྱུར།། ཞེས་བཀའ་སྩལ་པས། ཕྱོགས་བཅུ་དང་དུས་གསུམ་གྱི་དེ་བཞིན་གཤེགས་པ་དང་། བྱང
306b6 ཆུབ་སེམས་དཔའ་མ་ལུས་པ་ཐུགས་ཀྱི་དགོངས་པ་གཅིག་ཏུ་བསྡུས་པས། ཁམས་གསུམ་དང་འགྲོ་བ་རིགས་དྲུག་ཏུ་སྣང་བའི་སེམས་ཅན་གྱི་ཁམས་དཔག་ཏུ་མེད་པའི་དོན་བསྒྲུབ་ཅིང་མ་གྲོལ་བ་རྣམས་གྲོལ་བ
iiif viewer powered by OpenSeadragon
