| e-texts navigator |
| Wylie |
306a1 བྲག་དབྱེ་བ་གང་།། ལམ་གྱི་ཡན་ལག་གང་གིས་བསྡུ།། བཅོམ་ལྡན་འདས་ཀྱིས་བཀའ་སྩལ་པ།། ཀུན་ཏུ་བཟང་པོ་དོན་གྱི་མཆོག། སྐྱོན་མེད་ཐམས་ཅད་འདུས་པ་ཡིན།། ལྔ་དྲུག་གཅིག་གཉིས་གསུམ
306a2 བཞིས་བསྡུས།། གདུལ་བྱའི་རིགས་ལ་སྣ་ཚོགས་སྣང་།། གསང་བའི་བྷ་ག་ནམ་མཁའི་ཁམས།། མཐའ་བྲལ་བསམ་མི་ཁྱབ་ལ་བཞུགས།། སྐལ་ཡོད་སྐྱེས་བུའི་རིགས་ཀུན་ལ།། ངེས་དང་མ་ངེས་ལྔ་དང
306a3 ལྡན།། ཐུགས་ཀྱི་ཁྱད་པར་བྱེ་བྲག་མེད།། མ་བསྟན་མ་གསུངས་པར་གནས་ཀྱང་།། ཐ་དད་སྐུ་དང་གསུང་གི་ཚོགས།། བདག་ལ་ཉེ་བར་སྟོན་པར་མཐོང་།། ཉན་པ་པོ་ནི་དུས་གསུམ་གྱི།། སངས་རྒྱས་བྱང་ཆུབ
306a4 སེམས་དཔའ་དང་། ཉན་ཐོས་རང་རྒྱལ་ལྷ་ལ་སོགས།། རིམ་བཞིན་རང་ལ་བསྟན་པ་འཁོར།། དུས་དང་བྲལ་བའི་དུས་གསུམ་ཉིད།། དུས་བཞི་མཉམ་པ་ཉིད་དུ་སྦྱོར།། རྫོགས་གཉིས་གསུམ་དང་རྩོད་པ་ལ།། གང
306a5 རིགས་ཐ་དད་སོ་སོར་འབྱུང་།། ཇི་ལྟར་མོས་པ་དེ་ཡིས་འདུལ།། དེ་ནས་རིག་པ་འཛིན་པ་དག། ཕྱི་ནང་གསང་བའི་ཚུལ་གྱིས་ཏེ།། ཉན་ཐོས་བྱང་ཆུབ་སེམས་དཔའ་དང་།། བརྟུལ་ཞུགས་འཛིན་པའི་ཚུལ་གྱིས
306a6 ཏེ།། ཅིག་ཆར་རིམ་དང་ཐོད་རྒལ་དང་།། དམན་དང་མཆོག་དང་བར་མ་དང་།། རྒྱུ་དང་ལམ་དང་འབྲས་བུའི་ཚུལ།། ལས་དང་མོས་པ་སྤྱོད་པ་དང་།། ལམ་གྱི་ས་ཡིས་ཡོན་ཏན་བསྡུས།། དང་པོ་པ་དང་ཀུན
iiif viewer powered by OpenSeadragon
