| e-texts navigator |
| Wylie |
305a1 འགྱུར་བྱང་ཆུབ་སེམས་བསྒོམས་པས།། མཚན་མ་ལྔ་བསྟན་སྲོག་གི་ལམ།། ནམ་མཁའི་ཁམས་ལ་སོ་སོར་བསྟན།། འོད་ཀྱི་དཀྱིལ་འཁོར་སྣང་བ་ཡིན།། ཐབས་དང་ཤེས་རབ་དབྱེར་མེད
305a2 པའི།། དངོས་བསྡུ་གཟུགས་ཀྱི་ནང་དུ་བསམ།། སྐད་ཅིག་མ་ཡི་ཡེ་ཤེས་གསལ།། སྒྲིབ་པ་མ་ལུས་སེལ་བར་བྱེད།། དེ་ནས་འཁོར་གྱིས་ཡང་ཞུས་པ།། རང་རིག་བྱང་ཆུབ་སེམས་ནི་གང་།། དེ་ཡི་རྒྱུ་ནི་ཇི་ལྟ་བུ།། གང
305a3 ཞིག་གིས་ནི་རྐྱེན་དུ་འགྱུར།། འབྲས་བུ་འདོད་པ་ཇི་ལྟར་འགྲུབ།། འབྱུང་བའི་དུས་ནི་ཇི་ཙམ་ན།། ཚུལ་ནི་ཇི་ལྟར་འབྱུང་བར་འགྱུར།། ངེས་དང་འགྲུབ་པར་བྱེད་པ་གང་།། ཉེ་བར་མཚོན་པའི་དཔེ་གང་ཡིན།། དགོས
305a4 པ་ཡང་ནི་ཅི་ཞིག་ལགས།། མཚན་ཉིད་མཚོན་ཚུལ་ཇི་ལྟ་བུ།། བཅོམ་ལྡན་འདས་ཀྱིས་བཀའ་སྩལ་པ།། གཞི་དང་ངོ་བོ་མཚན་ཉིད་རྣམས།། མ་ལུས་ལྷུན་གྱིས་གྲུབ་བདག་ཉིད།། མཐའ་བྲལ་མ་སྤངས་མ་ཐོབ
305a5 པ།། སྒྲོ་སྐུར་དང་བྲལ་བྱང་ཆུབ་སེམས།། ལྷན་ཅིག་སྐྱེས་དང་བདག་ཏུ་བལྟ།། ཀུན་ཏུ་བརྟགས་པའི་ཆོ་འཕྲུལ་གྱིས།། ཉོན་མོངས་ཉེར་ལེན་མཚུངས་པར་ལྡན།། བག་ཉལ་ཀུན་སྡང་རྒྱུ་ཡིན་ནོ།། ལྷན་ཅིག་བྱེད་རྐྱེན
305a6 བསོད་ནམས་དང་།། དེ་མ་ཡིན་དང་མི་གཡོའི་ལས།། ལེགས་ཉེས་ཕྲ་རགས་མང་ཉུང་གིས།། མྱ་ངན་འདས་དང་འཁོར་བར་སྦྱར།། འབྲས་བུ་ལུས་དང་ལོངས་སྤྱོད་དང་།། ཆོས་དང་འཕེན་པའི་སྐལ་བ་ཡིས།། ཇི
iiif viewer powered by OpenSeadragon
