| e-texts navigator |
| Wylie |
304b1 བར་མ་དོ།། ཤིན་ཏུ་སོ་སོས་སྐྱེ་བ་བགྲང་།། དེ་ནས་འཁོར་གྱིས་ཡང་ཞུས་པ།། དེ་དག་བསྒྲུབ་པའི་ཐབས་གང་ལགས།། དེ་ཡི་དངོས་ཉིད་ཇི་ལྟ་བུ།། སོ་སོ་འདོར་བའི་རྟོགས་པ་གང་།། བསམ་གཏན་ཞེས་པ་ཇི་ལྟ
304b2 བུ།། རླུང་གི་རྣལ་འབྱོར་ཇི་ལྟར་ལགས།། དེ་ཉིད་འཛིན་པ་གང་ལ་གནས།། རྗེས་སུ་དྲན་པའི་ཡན་ལག་གང་།། ཏིང་ངེ་འཛིན་དུ་གང་ཞིག་བཤད།། བཅོམ་ལྡན་འདས་ཀྱིས་བཀའ་སྩལ་པ།། རབ་ཏུ་བསྙེན་པའི་ཆོ་ག།
304b3 དང་།། ཉེ་བར་བསྒྲུབ་དང་དེ་བཞིན་ཚེ།། ཕྲིན་ལས་སྤྱོད་པས་ཐབས་སུ་འགྱུར།། བྱང་ཆུབ་སེམས་གཞི་སྟོང་པ་དང་།། ས་བོན་ཚུལ་དུ་ངེས་འབྱུང་ཞིང་།། གཟུགས་རྟགས་ཡི་གེ་མཚན་མར་བཅས།། ཐབས
304b4 དངོས་ཐུན་མོང་ཉིད་དུ་འགྱུར།། མཆོག་ཏུ་གྱུར་པ་འདི་ལྟ་སྟེ།། ཕྱི་ནང་དབང་པོ་ཡུལ་གྲུབ་པ།། རང་གནས་ཤེས་པས་སོ་སོར་འདོར།། སྙོམས་འཇུག་ཐམས་ཅད་བྱིན་གྱིས་རློབས།། རྟོག་སྤྱོད་དགའ་བདེ་རྩེ་གཅིག།
304b5 ཉིད།། གསང་བཅུ་བྱུང་ཡང་རབ་སྦྱོར་སྤྲོ་དང་བསྡུ།། རང་ཤེས་རིག་ཅིང་དེ་ཟད་པས།། དངོས་གཞི་མངོན་ཤེས་ལྔ་ལ་དབང་།། ཡེ་ཤེས་ལྔ་ཡི་རང་བཞིན་རླུང་།། འབྱུང་བ་ལྔ་དང་ཚུལ་འདྲར་སྣང་།། གང་བུ་སྣོམ་བྱེད
304b6 རྩེ་ལ་བཞག། རང་གཞན་བྱང་ཆུབ་སེམས་དཔར་སྣང་།། རང་གི་སྙིང་པོ་གནས་སུ་བསམ།། དབང་པོར་ལམ་བསྲུངས་ཟླུམ་པོར་བཀོད།། གཟུང་བྱ་དྲི་མ་དང་བྲལ་བས།། དེ་ཉིད་ཡེ་ཤེས་སེམས་དཔར་གསལ།། མི
iiif viewer powered by OpenSeadragon
