| e-texts navigator |
| Wylie |
303b1 ལུས་རབ་ཏུ་བརྙེས།། མ་རིག་ཐིབ་པོ་རབ་སད་ཅིང་།། དགོངས་པས་ཤེས་བྱ་རབ་ཏུ་རྒྱས།། དེ་ལ་ཚུལ་བཞིན་མ་ནོར་མཐོང་།། ཡང་དག་དོན་རྟོགས་བལྟ་བའོ།། ཕྱི་རོལ་དོན་གྱི་རྟོག་པ་ལོག། ཉོན་མོངས་ཕྲ་བ་ཙམ
303b2 གྱིས་ཀྱང་།། མི་བརྫི་གོམས་སྟོབས་སྐྱེད་བྱེད་པ།། མཐོང་བ་ཉིད་ལ་བསྒོམ་པའོ།། དང་པོའི་ལས་དང་བསྒོམ་པ་དང་།། བརྟུལ་ཞུགས་འཆང་དང་མཉམ་གཞག་དང་།། རང་གི་སེམས་ལ་གང་སྤྱོད་པ།། མི་སྤྱད་མ
303b3 མཐོང་དེ་སྤྱོད་ཡིན།། རིན་ཆེན་ས་གཞི་བཟང་ལྟ་བུ།། སྐྱོན་མེད་གཞན་བསྐྱེད་ནུས་པར་ལྡན།། ཉེས་པའི་རྩ་བ་ངེས་པར་སྤོང་།། མི་འགལ་སྟོན་པ་དམ་ཚིག་གོ། སངས་རྒྱས་ཀུན་གྱི་ཐབས་ཆེན་གསང་།། བརྩམ་ཞིང
303b4 ཕན་འདོགས་མ་རུངས་འདུལ།། བསོད་ནམས་ཚོགས་དང་བསྐྱེད་རིམ་འབྲེལ།། བསྒྲུབ་བྱ་ཉེར་གྱུར་བསྙེན་པ་སྟེ།། མཆོག་གྱུར་པ་དང་ཐུན་མོང་ལས།། དཀྱིལ་འཁོར་གསུམ་འཕྲོས་ཆེར་བསྒྲུབ་པའོ།། རྒྱུ་དང་འབྲས
303b5 བུ་ཕན་ཚུན་དུ།། སྐུ་གསུང་ཐུགས་ཀྱི་རྡོ་རྗེ་ཡིས།། ཐ་དད་གཅིག་ཏུ་གང་བསྡུས་ནས།། གཅིག་གིས་གཅིག་གསལ་རྒྱས་འདེབས་སོ།། དེ་ནས་འཁོར་གྱིས་ཡང་ཞུས་པ།། འདོད་ཆགས་ཞེ་སྡང་གཏི་མུག་ཅི།། སྙིང་རྗེ
303b6 ཞེས་པ་གང་ཞིག་ལགས།། སེམས་ཅན་དོན་དུ་ཇི་ལྟར་སྤྱད།། རིག་པའི་བརྟུལ་ཞུགས་ཇི་ལྟར་སྤྱད།། ཟུང་དུ་འཇུག་པའི་སྤྱོད་པ་གང་།། བདག་ཉིད་ཇི་ལྟར་བྱིན་གྱིས་བརླབ།། བཟླས་པའི་རྣལ་འབྱོར་ཇི་ལྟ
iiif viewer powered by OpenSeadragon
