| e-texts navigator |
| Wylie |
300b1 པའི་ཚུལ་གྱིས་ནི།། ཇི་ལྟར་རིགས་པའི་ཡན་ལག་རྣམས།། ཐུགས་རྗེ་ཆེན་པོས་བསྟན་དུ་གསོལ།། ཞེས་གསོལ་ཏོ།། ཕྱོགས་བཅུའི་སངས་རྒྱས་ཐམས་ཅད་ཀྱིས་ཐུགས་ཞི་བ་ཆེན་པོ་ལས་ཕྱུང་བ་གླེང་གཞིའི་ལེའུ་སྟེ
300b2 དང་པོའོ།། །། དེ་ནས་བཅོམ་ལྡན་འདས་རྣམ་པར་སྣང་མཛད་ལ་སོགས་པ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་།
300b3 རིག་པ་འཛིན་པའི་སྐྱེས་བུ་ཆེན་པོ་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་དང་། སྐུ་དང་གསུང་དང་ཐུགས་ཀྱི་གསང་བ་མ་ལུས་པ་བསྟན་པ་དང་། རིགས་དང་དངོས་པོ་ཐམས་ཅད་ཀྱི་དམ་ཚིག
300b4 ཇི་ལྟ་བ་བཞིན་དུ་མཐོང་ཞིང་ཐོས་ལ་རབ་ཏུ་རྟོགས་ཏེ། མངོན་སུམ་དུ་གྱུར་བཞིན་དུ་ཕྱི་མའི་དུས་ཀྱི་རིག་པ་འཛིན་པའི་སྐྱེས་བུ་རྣམས་ཀྱི་དོན་དུ་དགོངས་པར་མཛད་ནས། བཅོམ་ལྡན་འདས་ལ་སླར་གསོལ་པ། ཀྱེ
300b5 མ་ཀུན་ཏུ་བཟང་པོ་ཡི།། སྐུ་དང་གསུང་དང་ཐུགས་ངེས་པ།། རང་བཞིན་གསང་བའི་མཚན་ཉིད་ནི།། རྡོ་རྗེ་གསུམ་ལས་འགྱུར་མེད་ཀྱང་།། མ་ལུས་སེམས་ཅན་ཁམས་སྣང་བ།། དུས་གསུམ་རྡོ་རྗེ་སངས་རྒྱས
300b6 གསུམ།། ཐུགས་ཀྱི་དབང་ཕྱུག་གནས་གྱུར་པ།། ཀུན་ཏུ་བཟང་པོ་རྫུ་འཕྲུལ་ཆེ།། འདི་ནི་ཤིན་ཏུ་ངོ་མཚར་ཆེ།། བསམ་པའི་ཡུལ་ལས་རབ་འདས་ཏེ།། མ་ལུས་འཁོར་བའི་ཆུ་བོའི་རྒྱུན།། མྱ་ངན་འདས་པར་བར་ཆད
iiif viewer powered by OpenSeadragon
