| e-texts navigator |
| Wylie |
299b1 མཐོང་བར་གྱུར་ཏོ།། དེ་ལ་སོགས་པ་ཕྱོགས་བཅུའི་ནམ་མཁའི་ཁམས་ཀྱི་མཐས་གཏུགས་ཤིང་འབྱམས་ཀླས་པ་ཐམས་ཅད་ཀྱི་སངས་རྒྱས་ཀྱི་ཞིང་རྡུལ་ཕྲ་རབ་སྙེད་ཀྱི་སངས་རྒྱས་དེ་དག་གི་སྐུ་གསུང་ཐུགས་ཀྱི་རྣམ
299b2 པར་འཕྲུལ་པ་ལས་བྱུང་བའི་འཇིག་རྟེན་གྱི་ཁམས་ཐམས་ཅད་ན་ཡང་། སངས་རྒྱས་དེ་དག་གི་འཁོར་གྱི་ཐོག་མར་རང་ཉིད་འདུག་པ་མཐོང་བར་གྱུར་ཏོ།། སངས་རྒྱས་ཀྱི་ཞིང་དེ་དག་ཐམས་ཅད་ན་འཚོ་ཞིང་གཞེས
299b3 པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་སོ་སོ་ནས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད་རང་གི་འཁོར་གྱི་དཀྱིལ་འཁོར་དུ་བཀོད་པར་གཟིགས་སོ།། འཇིག
299b4 རྟེན་གྱི་ཁམས་དེ་དག་ཐམས་ཅད་ཀྱི་སེམས་ཅན་གྱི་ཁམས་བསམ་གྱིས་མི་ཁྱབ་པ་རྣམས་ཀྱི་ཉོན་མོངས་པ་དང་ཁམས་དང་བག་ལ་ཉལ་གྱི་ཁྱད་པར་གཏི་མུག་གི་དབང་དུ་གྱུར་པ་དང་། ཞེ་སྡང་གི་དབང་དུ་གྱུར་པ
299b5 དང་། ང་རྒྱལ་གྱི་དབང་དུ་གྱུར་པ་དང་། འདོད་ཆགས་ཀྱི་དབང་དུ་གྱུར་པ་དང་། ཕྲག་དོག་གི་དབང་དུ་གྱུར་པ་དང་། སེར་སྣའི་དབང་དུ་གྱུར་པ་དང་། ཁྲོ་བོའི་དབང་དུ་གྱུར་པ་ལ་སོགས་པ་རྣམས་ཀྱི་དོན་བསྒྲུབ
299b6 པའི་ཕྱིར། གདུལ་བར་བྱ་བའི་འཁོར་ཁ་ཅིག་ལ་ནི་དེ་བཞིན་གཤེགས་པའི་རིགས་སུ་བཞུགས་པར་མཛད་དོ།། དེ་བཞིན་དུ་ཁ་ཅིག་ལ་ནི་རྡོ་རྗེའི་རིགས་དང་། ཁ་ཅིག་ལ་ནི་རིན་པོ་ཆེའི་རིགས་དང་ཁ་ཅིག་ལ་ནི
iiif viewer powered by OpenSeadragon
