| e-texts navigator |
| Wylie |
298a1 ཚོགས་ལས་གྲུབ།། བསམ་གྱིས་མི་ཁྱབ་མཚན་དང་དཔེ་བྱད་ལྡན།། ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ།། ཧཱུཾ་རྣམ་པར་དག་པའི་སྨོན་ལམ་མཐུས་གྲུབ་ཅིང་།། བྱམས་དང་སྙིང
298a2 རྗེའི་ཐུགས་ཀྱང་རབ་བསྐྱེད་པའི།། སྣ་ཚོགས་རིགས་ཀྱི་རང་གི་མཆོག་གྱུར་ཡུལ།། སྤྲུལ་པ་སྐུ་ཡི་རིགས་ཀུན་དབྱུང་དུ་གསོལ།། ཧྲཱིཿམ་འགགས་སྐྱེ་མེད་ངོ་བོ་སྟོང་ཉིད་སྒྲ།། ཡན་ལག་དྲུག་ཅུ་གསུང་དབྱངས་དཔག
298a3 མེད་པས།། བསྟན་པ་རྒྱ་མཚོ་སོ་སོའི་བྱེ་བྲག་ཏུ།། ཀུན་གྱི་ལམ་གྱུར་སྡེ་སྣོད་དེ་གསུངས་ཤིག། ཧཱ་མི་འགྱུར་ཐུགས་ཀྱི་དགོངས་པ་དཔག་མེད་ལས།། གནོད་སྡིག་ཞི་དང་འདོད་པའི་དོན་རྒྱས་དང་།། ཕལ་པ་དབང
298a4 བསྐུར་གདུག་བྱེད་ཚར་གཅོད་པའི།། ཀུན་གྱི་དོན་སྤྱོད་ཕྲིན་ལས་དེ་མཛོད་ཅིག། ཅེས་བསྐུལ་བས། དེ་མ་ཐག་ཏུ་བཅོམ་ལྡན་འདས་ཉིད་ཀྱིས་སྐུ་གསུང་ཐུགས་ཀྱི་གནས་ཐམས་ཅད་ནས་འོད་ཟེར་གྱི་དྲ་བ་སངས
298a5 རྒྱས་ཀྱི་ཞིང་གི་ཡོན་ཏན་བཀོད་པ་ཞེས་བྱ་བའི་ཏིང་ངེ་འཛིན་དང་ལྡན་པའི་འོད་ཟེར་གྱི་དྲ་བ་ཆེན་པོ་བཀྱེ་སྟེ། ནམ་མཁའི་ཁམས་མ་ལུས་པ་ཐམས་ཅད་སྣང་བར་མཛད་པ་དང་། འཁོར་འདུས་པ་དེ་དག་གིས་ཀྱང
298a6 ཕྱོགས་བཅུའི་སངས་རྒྱས་ཀྱི་ཞིང་། ནམ་མཁའི་ཁམས་ཐམས་ཅད་ཏིལ་གྱི་གང་བུ་བཞིན་དུ་གང་བར་བཞུགས་ནས། ལྷམ་མེ་ལྷང་ངེ་ལྷན་ནེ་བ་མཐོང་བར་འགྱུར་ཏོ།། དེ་ལྟར་འདུག་པའི་ཁྱད་པར་དུ་ཡང་། ཡང
iiif viewer powered by OpenSeadragon
