| e-texts navigator |
| Wylie |
294b1 ལས་རྒྱ་མཚོ་ཀུན་ལ་སྦྱར།། ཞེས་གསུངས་སོ།། འཇིག་རྟེན་མཆོད་བསྟོད་ཀྱི་སྔགས་ཀྱི་དགོངས་པ་བསྟན་པའི་ལེའུ་སྟེ་བཅོ་བརྒྱད་པའོ།། །། དམོད་པ་དྲག་སྔགས་འཛབ་དགོངས་ལ།། ཨོཾ་བཛྲ་སརྦ་དུཥྚཱཾ་ཧཱུཾ
294b2 ཕཊ། ཐོག་མཐའ་ཨོཾ་དང་ཕཊ་བཞག་ནས།། བར་ན་གྲོང་ཁྱེར་དྲུག་གནས་པ།། དྲེགས་པ་གཟིར་བའི་སྙིང་པོ་ཡིན།། ཨོཾ་ཡེ་ཤེས་ལྔ། བཛྲ་རྡོ་རྗེ། སརྦ་ཐམས་ཅད། དུཥྚཱཾ་གནོན་པ།། ཧཱུཾ་སྡུད་པ། ཕཊ་གཅོད
294b3 པའོ།། སྔགས་ཀྱི་དོན་བསྟན་པའོ།། ཨོཾ་བཛྲ་སྟོབས་ལྡན་ནག་པོའི་སྙིང་པོའོ།། སརྦ་དྲེགས་པ་ཅན་སྔགས་བདག་བཅོ་བརྒྱད། དུཥྚཱཾ་གཟིར་ཅིང་གནོན་པ། ཧཱུཾ་འབྱུང་བ་ལྔའི་བདག་མོ། ཡབ་ཡུམ་གྱིས་དྲེགས་པ་ཅན
294b4 བར་དུ་བཅུག་ལ་གཟིར་བའོ།། ཕཊ་ཀྱིས་གཟིར་ཞིང་གཅོད་པའོ།། དྲེགས་པ་ཅན་གཟིར་བའི་དོན་དུ་བཟླས་པའོ།། ཨོཾ་ཡེ་ཤེས་ལྔའི་རང་སྔགས། བཛྲ་རྡོ་རྗེ། སརྦ་ཐམས་ཅད། དུཥྚཱཾ་དྲེགས་པ་ཅན་གྱི་སྟོབས་སོ།། ཧཱུཾ
294b5 ཟིལ་གྱིས་གནོན་པ་ཐུགས་འདུས་པ། ཕཊ་གཅོད་པའོ།། དྲག་སྔགས་གཟིར་གནོན་དུ་བཟླས་པའོ།། བདག་ཉིད་སྟོབས་ལྡན་གསལ་བ་ལས།། དྲེགས་པ་མ་ལུས་གཟིར་བྱེད་ཅིང་། ཁམས་སུ་དྲེགས་པ་གནད་ལ
294b6 བོར།། དེ་ཉིད་སྡེ་བརྒྱད་ལས་ལ་དགྱེ།། བསྟན་པའི་བསྲུང་མར་དབང་བསྐུར་རོ།། ཞེས་གསུངས་སོ།། དམོད་པ་དྲག་སྔགས་ཀྱི་དགོངས་པ་བསྟན་པའི་ལེའུ་སྟེ་བཅུ་དགུ་པའོ།། །། སྒྲུབ་པ་བཀའ་བརྒྱད་ཀྱི
iiif viewer powered by OpenSeadragon
