| e-texts navigator |
| Wylie |
294a1 ལས་ཀྱི་མཁའ་འགྲོ་མའི་སྙིང་པོའོ།། ཧཱུཾ་དབང་དུ་སྡུས། ཕཊ་ལས་ལས་བསྐུལ་བའོ།། མཁའ་འགྲོ་རྣམ་བཞིའི་སྙིང་པོར་བསྟན་པའོ།། མ་མོ་རྦོད་གཏོང་གི་ལྷ་ཚོགས་ཀྱི་སྔགས་ཀྱི་དགོངས་པའི་ལེའུ་སྟེ
294a2 བཅུ་བདུན་པའོ།། །། འཇིག་རྟེན་མཆོད་བསྟོད་ཀྱི་འཛབ་དགོངས་ལ། ཨོཾ་བཛྲ་ཙཎྜ་སརྦ་དུཥྚཱཾ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས། བར་ན་འབྲུ་བརྒྱད་གྲང་གནས་པ།། དྲེགས་པ་འདུས་པའི་སྙིང་པོ
294a3 ཡིན།། ཨོཾ་ཡེ་ཤེས་ལྔ། བཛྲ་རྡོ་རྗེ། ཙཎྜ་གཏུམ་པོ། སརྦ་ཐམས་ཅད། དུཥྚ་སྟོབས་ཆེ་བ། ཧཱུཾ་དབང་དུ་བསྡུས། ཕཊ་ཀྱིས་ལས་ལ་འཛུད་པའོ།། སྔགས་ཀྱི་སྒྲ་དོན་བསྟན་པའོ།། ཨོཾ་བཛྲ་ཙཎྜ་དྲེགས་པ་ཀུན་འདུལ་གྱི
294a4 སྙིང་པོ། སརྦ་དུཥྚཱཾ་དྲེགས་པ་ཅན་སུམ་ཅུའི་སྟོབས། ཧཱུཾ་ཡུམ་ཁམས་གསུམ་སྤྱི་འདུལ་མ། ཡབ་ཡུམ་གྱི་བར་དུ་དྲེགས་པ་ཅན་བཅུག་པ་སྟོབས་དབང་དུ་སྡུད་པའོ།། ཕཊ་ཀྱིས་སྟོབས་འཕྲོག་པའོ།། དྲེགས་པ་དབང་དུ
294a5 སྡུད་པའི་ཚུལ་དུ་བཟླས་པའོ།། ཨོཾ་ཡེ་ཤེས་ལྔ་དང་ལྡན་པ། བཛྲ་རྡོ་རྗེ། ཙཎྜ་གཏུམ་པོ། སརྦ་ཐམས་ཅད། དུཥྚཱཾ་གནོན་པ། ཧཱུཾ་དབང་དུ་སྡུད་པ། ཕཊ་ཀྱིས་གཅོད་པའོ།། དྲག་སྔགས་སུ་བསྟན་པའོ།། དབེན་པ་ཆེན
294a6 པོའི་ས་ཕྱོགས་སུ།། རྣལ་འབྱོར་སྟོབས་དང་ལྡན་པ་ཡིས།། དྲེགས་པ་དབང་དུ་བསྡུ་འདོད་ན།། བདག་ཉིད་ཁྲོ་ཆེན་སྐུར་བསྒོམས་ལ།། འཇིག་རྟེན་དྲེགས་པ་གནད་ལ་བོར།། དབང་དུ་བསྡུས་ཏེ་དམ་སྩལ་ལ།། ཕྲིན
iiif viewer powered by OpenSeadragon
