| e-texts navigator |
| Wylie |
293a1 བྱེད།། བཅུ་གཅིག་འདུས་པའི་སྔགས་སུ་བསྟན།། ཨོཾ་ནི་ཡེ་ཤེས་རྣམ་པ་ལྔ།། བཛྲ་ཡེ་ཤེས་རྡོ་རྗེ་ཡིན།། ཀི་ལི་ཀི་ལ་ཡ་དང་ལྔ།། རང་བཞིན་དག་པའི་ཕུར་པའོ།། སརྦ་བིགྷྣཱཾ་ཐམས་ཅད་བགེགས།།
293a2 གྱིས་ནོན་ལ་ཧཱུཾ་གིས་བསྡུས།། ཕཊ་ཀྱིས་མི་གནས་སྲེག་པར་བྱེད།། ཉམས་དགའ་བ་ཡི་གནས་དག་ཏུ།། མཐིང་ནག་ཧཱུཾ་ལས་སྐུ་བསྐྱེད་པ།། རྡོ་རྗེ་གཞོན་ནུའི་ང་རྒྱལ་གྱིས།། རྣལ་འབྱོར་རིག་པས་རྟགས་བཟླས
293a3 ན།། གསང་སྔགས་བྱིན་རླབས་དངོས་གྲུབ་དང་།། ལོག་འདྲེན་སྒྲོལ་བའི་སངས་རྒྱས་མཐུ།། འཐོབ་པར་འགྱུར་བར་ཐེ་ཚོམ་མེད།། ཅེས་གསུངས་སོ།། ཕུར་པ་ཕྲིན་ལས་ཀྱི་སྔགས་ཀྱི་དགོངས་པའི་ལེའུ་སྟེ་བཅུ་དྲུག
293a4 པའོ།། །། མ་མོ་རྦོད་གཏོང་འཛབ་དགོངས་ལ།། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ། གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟཱཾ། མ་མ་ཡོ་གེ་ནི་རུ་ལུ་རུ་ལུ་བྷྱོ་ཧཱུཾ་ཕཊ། ཐོག་མཐའ་ཨཽ་དང་ཕཊ་བཞག་ནས།། བ་ར་ན་གྲོང་ཁྱེར་ཉི་ཤུ
293a5 བརྒྱད།། སྲིད་པ་མ་མོའི་སྲོག་སྙིང་ཡིན།། དབེན་པ་ཆེན་པོའི་ས་ཕྱོགས་སུ།། བདག་ཉིད་བླ་མེད་ཧེ་རུ་ཀའི།། ང་རྒྱལ་བརྟན་པོར་བཟུང་བྱས་ནས།། འཇིག་རྟེན་འདས་དང་མ་འདས་པའི།། མ་མོ་མཁའ་འགྲོ་ཐམས
293a6 ཅད་ཀུན།། རང་དབང་མེད་པར་ལས་ལ་གཟུད།། གང་དང་གང་ལ་དམིགས་པ་ཡི།། ལས་རྣམས་དེ་དག་ཐམས་ཅད་ཀུན།། སྐད་ཅིག་ཙམ་གྱིས་འགྲུབ་པར་འགྱུར།། ཨོཾ་ཡེ་ཤེས་ལྔ། གུ་ཧྱ་ཡབ། ཛྙཱ་ན་ཡེ་ཤེས། ཤྲཱི
iiif viewer powered by OpenSeadragon
