| e-texts navigator |
| Wylie |
292b1 སེམས་ལས་བསྐྱེད་པའི་རྒྱུ་ཐབས་བྱང་ཆུབ་ཀྱི་སེམས་སོ།། བཾ་ནི་དེ་ལྟར་ཐབས་ཤེས་རབ་གཉིས་སུ་མེད་པའི་མྱ་ངན་ལས་འདས་པའི་ཆོས་ཉིད་བྱང་ཆུབ་སེམས་སོ།། ཧཱུཾ་ནི་རྒྱུད་ལྔ་གནས་སུ་དག་ནས། འབྲས་བུ་སྐུ
292b2 ལྔར་ལྷུན་གྱིས་གྲུབ་པས། མཐར་ཐུག་ཆོས་ཉིད་ཀྱི་བྱང་ཆུབ་སེམས་སོ།། ཕཊ་ནི་དེ་ལྟར་འབྲས་བུ་ལྷུན་གྱིས་གྲུབ་པའི་ཕྲིན་ལས་ཏེ། མ་བཙལ་རྫོགས་པ་མྱ་ངན་ལས་འདས་པའི་བྱང་ཆུབ་སེམས་སོ།། ཕུར་པ་རྩེ
292b3 གཅིག་པ་དེའི་དོན་ཕྱི་མོ་ནས་རང་བཞིན་གྱིས་གནས་པ་ཞེས་བྱའོ།། ལྷ་ཚོགས་སྔགས་སུ་བསྟན་པ་ནི།། ཨོཾ་ནི་དཔལ་ཆེན་ཡབ་ཡིན་ཏེ།། བཛྲ་ཞེས་པ་ཡུམ་ཡིན་ནོ།། ཀཱི་ནི་ཡེ་ཤེས་ཁྲོ་བོ་ལ།། ལི་ནི་དབྱིངས་ཀྱི་ཁྲོ་མོ
292b4 ཡིན།། ཀཱི་ནི་ཐབས་ཀྱི་མཆེ་བ་ཅན།། ལཱ་ནི་ཤེས་རབ་གཤོག་པ་ཅན།། ཡ་ནི་སྲས་མཆོག་ཁྲོ་བོ་ཡིན།། སརྦ་ཐམས་ཅད་སྡུད་པའོ།། བིགྷ་ནི་དགྲ་དང་སྒྲིབ་པ་ཡིན།། ནན་ནི་བགེགས་རྣམས་འཆིང་བ་ཡིན།། བཾ་ནི
292b5 དབང་དུ་སྡུད་པ་སྟེ།། ཧཱུཾ་ནི་ཕྱག་བརྙན་སྒོ་མ་བཞི།། ཕཊ་ནི་སྒྲོལ་བའི་ཕྲིན་ལས་རྫོགས།། དཀྱིལ་འཁོར་གསུམ་དུ་བསྟན་པ་ནི།། དང་པོ་ཨོཾ་དང་བཛྲ་ནི།། བདག་ཉིད་རྩ་བའི་དཀྱིལ་འཁོར་རོ།། ཀཱི་ལི་ཀཱི་ལའི་ཡི་གེ
292b6 བཞི།། ཕྱོགས་བཅུ་ཁྲོ་བོའི་དཀྱིལ་འཁོར་རོ།། ཡ་ནི་རྫས་ཀྱི་དཀྱིལ་འཁོར་རོ།། སརྦ་ཐམས་ཅད་མ་ལུས་པ།། བིགྷྣཱཾ་བགེགས་ཞེས་བྱ་བ་སྟེ།། བཾ་གྱིས་ཆིངས་ལ་ཧཱུཾ་གིས་བསྡུས།། ཕཊ་ཀྱིས་མི་གནས་སྲེག་པར
iiif viewer powered by OpenSeadragon
