| e-texts navigator |
| Wylie |
292a1 འཐོབ།། དབང་མཆོག་སྐུ་ཡང་འདི་ཡིས་མཐོང་།། གསང་སྔགས་ཟབ་མོའི་མན་ངག་འདི།། སྐལ་མེད་རྨོངས་པའི་གང་ཟག་དག། ཀུན་ལ་བསྟན་པར་མ་གསུངས་སོ།། པདྨ་གསུང་གི་སྔགས་ཀྱི
292a2 དགོངས་པའི་ལེའུ་སྟེ་བཅོ་ལྔ་པའོ།། །། ཕུར་པ་ཕྲིན་ལས་འཛབ་དགོངས་ལ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས།། བར་ན་བཅུ་བཞིའི་གྲོང་མཛེས་པ།། ཕུར
292a3 པ་ལྷ་རྒྱུད་སྙིང་པོ་ཡིན།། ཨོཾ་ནི་གཞི་རྩ་བ་ཐམས་ཅད་ཀྱི་མཆོག། དེ་བཞིན་གཤེགས་པ་རྣམས་ཀྱི་གདུང་འཚོབ་པ་མྱ་ངན་ལས་འདས་པའི་ཐུགས། བྱང་ཆུབ་ཀྱི་སེམས་སོ།། བཛྲ་ནི་དབྱིངས་གཏིང་མཐའ་མེད་པ་ནས
292a4 སྐྱེ་འགྲོ་གཟུགས་སུ་སྣང་བ་ཐམས་ཅད་ཕུར་བུའི་སྐུ་གསུང་ཐུགས་ཀྱི་ཕྱག་རྒྱར་གྱུར་ནས། མི་གནས་པར་མྱ་ངན་འདས་པའི་བྱང་ཆུབ་སེམས་སོ།། ཀཱི་ལི་ཀཱི་ལ་ཡ་ནི། དེ་ལྟར་སྐུ་གསུང་ཐུགས་ཀྱི་འོད་ཟེར་གྱིས
292a5 བསྒྲལ་ནས།། ཆགས་པ་མེད་པར་མྱ་ངན་འདས་པའི་བྱང་ཆུབ་སྟེ། ཆོས་ཉིད་ཆགས་པ་མེད་པའི་བྱང་ཆུབ་ཀྱི་སེམས་ཀྱིས་མཐོ་རིས་དང་ངན་སོང་ལས་མི་སྟོང་པས་ཟིན་པ་ལས་མི་འདའ་བའི་བྱང་ཆུབ་སེམས
292a6 སོ།། སརྦ་ནི་ཡུམ་གྱི་དབྱིངས་ལས་སྐྱེ་འགྲོ་གཟུགས་སུ་སྣང་བ་ཐམས་ཅད་ལྷག་པའི་བྱང་ཆུབ་སེམས་ལས་མི་གནས་པས། ཤེས་རབ་ཡང་དག་པའི་བྱང་ཆུབ་ཀྱི་སེམས་སོ།། བིགྷྣཱཾ་ནི་ཡབ་ཀྱི་མཁའི་བྱང་ཆུབ་ཀྱི
iiif viewer powered by OpenSeadragon
