| e-texts navigator |
| Wylie |
291b1 ཧཱུཾ་གཏུམས་སོད། ཕཊ་གསོད་སྔགས། ལྷ་འདྲེའི་དམག་དཔུང་གཞོམ་པར་བསྟན་པའོ།། ཨོཾ་ཡེ་ཤེས་ལྔས་འཁོལ་བ། པད་མཱནྟ་ཀྲྀཏ་པདྨ་དབང་ཆེན། ཧ་ཡ་གྲཱི་བ་གསུང་རྟ་སྐད་དང་ལྡན་པ། ཧཱུཾ་སྡེ་བརྒྱད་ལས
291b2 ལ་གཟུད་ཅིང་དབང་དུ་སྡུད་པ། ཕཊ་ལས་ལ་སྐུལ་བའོ།། དམ་ཅན་ཇི་བཞིན་སྐུལ་བ་དང་སྦྱར་བའོ།། ཨོཾ་ཡེ་ཤེས་རྣམ་པ་ལྔས་སྲེག་པ། པདྨཱནྟ་ཀྲྀཏ་པདྨ་དབང་ཆེན། བཛྲ་ཀྲོ་དྷ་རྡོ་རྗེ་ཁྲོ་བོ། ཧ་ཡ་གྲཱི་བ་རྟ
291b3 མགྲིན། ཧཱུཾ་སྟོབས་ཀྱིས་ཀླུ་གདོན་ཐུལ། ཕཊ་སོད། ནཱ་ག་ཀླུ་འདུལ་བའི་དོན་དུ་བཟླས་པའོ།། དེ་ལྟར་གཉེན་པོའི་དོན་སྟོན་པ།། དཔལ་གྱི་རྟ་སྐད་ཟེངས་གསུམ་དང་།། མ་མོའི་འགྱིང་སྐད་ཟེངས་གསུམ
291b4 དང་།། རྣལ་འབྱོར་བརྡ་སྐད་ཟེངས་གསུམ་གྱིས།། དང་པོས་སྣང་སྲིད་ཐམས་ཅད་ཀུན།། རྟ་མགྲིན་དབང་གི་ལྷ་རུ་བྱུང་།། གཉིས་པས་སྣང་སྲིད་ཤ་ཁྲག་གྱུར།། གསུམ་པས་མ་སྲིང་དབྱིངས་ནས
291b5 བསྐུལ།། བསྟན་པའི་མཁར་སྤྲེའུ་རྩིག་པའོ།། འདི་ལྟ་བུ་ཡི་དོན་རྟོགས་ན།། ཤིན་ཏུ་འཇིགས་པའི་དུར་ཁྲོད་དུ།། དབང་ཆེན་རྟ་ཡི་ང་རྒྱལ་གྱིས།། གང་དག་གནས་པར་བྱེད་པ་དེས།། རྟ་མགྲིན་དབང་གི་སྦྱོར
291b6 བ་ཡིས།། ལྷ་སྲིན་ལས་ལ་འདི་ཡིས་འཁོལ།། ལྷ་འདྲེའི་དམག་དཔུང་འདི་ཡིས་འཇོམས།། ས་བདག་ཀླུ་རྣམས་འདི་ཡིས་ཐུལ།། དྲག་སྔགས་བསྙེན་པ་འདི་ཡིས་སྐྱོལ།། གསུང་གི་དངོས་གྲུབ་འདི་ཡིས
iiif viewer powered by OpenSeadragon
