| e-texts navigator |
| Wylie |
289a1 མཁའ།། རུ་ནི་ཉོན་མོངས་དབང་སྡུད་པ།། ལུ་ནི་སྲིད་གསུམ་དབང་དུ་སྡུད་པའོ།། ཧཱུཾ་ནི་དགྱེས་པ་ཆེན་པོའོ།། སྤྲུལ་པ་མང་པོ་འགྱེད་པའོ།། བྷྱོ་ནི་ཆོས་ཀྱི་དབྱིངས་འཇིག་རྟེན་གནས་འགྱུར་བའི་ཡི་གེ
289a2 ཡིན་པའོ།། ཧཱུཾ་ཐ་མ་ཡོན་ཏན་རིན་པོ་ཆེ་ནོར་བུ་རིན་པོ་ཆེ། ཕཊ་ནི་ཆོས་ཀྱི་དབྱིངས་བདེ་བ་ཆེན་པར་བསྐུལ་བའོ།། དེ་ནི་སྔགས་ཀྱི་དོན་དང་སྦྱར་ཏེ་བསྟན་པའོ།། ཁྲག་འཐུང་དྲུག་ཅུ་རྩ་བརྒྱད་སྙིང་པོར་བསྟན་པ
289a3 ནི།། ཨོཾ་ནི་ཁྲག་འཐུང་ཡབ་ཡུམ་བཅུའི་སྙིང་པོའོ།། རུ་ལུ་གོང་མ་གོ་རཱི་བརྒྱད།། རུ་ལུ་འོག་མ་ཕྲ་མེན་བརྒྱད།། ཧཱུཾ་ནི་འཇིགས་བྱེད་ཁྲོ་བོ་བཅུ།། བྷྱོ་ནི་དབང་ཕྱུག་མ་ཉི་ཤུ་བརྒྱད། ཧཱུཾ་སྒོ་བ་བཞི། ཕཊ་སྤྲོ་བའོ།། ཁྲག
289a4 འཐུང་ལྔ་བཅུ་རྩ་བརྒྱད་ཀྱི་སྙིང་པོར་སྟོན་པ་ནི། ཨོཾ་ཁྲག་འཐུང་ཡབ་ཡུམ་བཅུ། རུ་ལུ་གོང་མ་གོ་རཱི་བརྒྱད།། རུ་ལུ་འོག་མ་ཕྲ་མེན་བརྒྱད། ཧཱུཾ་སྒོ་བ་བཞི། བྷྱོ་དབང་ཕྱུག་མ་ཉི་ཤུ་རྩ་བརྒྱད། ཧཱུཾ་ཐ་མས་དབང་དུ་སྡུད་པ།
289a5 ཕཊ་ཀྱི་ལས་བྱེད་པའོ།། ཡང་དག་དོན་གྱི་ལྷ་དགུར་སྟོན་པ་ནི།། ཨོཾ་དཔལ་ཆེན་ཡང་གྱི་སྲོག་ཏུ་གནས།། རུ་ལུ་གོང་མ་ཡུམ་གྱི་སྲོག་ཏུ་གནས།། རུ་ལུ་འོག་མ་གོ་རཱི་མ་བརྒྱད་ཀྱི་སྲོག་ཏུ་གནས། ཧཱུཾ་དང་པོས་ལྷ་དགུ་པོ
289a6 དེ་དབང་དུ་སྡུད་པའོ།། བྷྱོ་ནི་ལས་ལ་སྐུལ་བར་བྱེད་པའོ།། ཧཱུཾ་ཐ་མས་མཁའ་འགྲོ་མ་ཐམས་ཅད་དབང་དུ་སྡུད་པར་བྱེད་པའོ།། ཕཊ་ནི་སྣང་སྲིད་ཐམས་ཅད་རང་དབང་མེད་པར་དབང་དུ་སྡུད་པར་བྱེད
iiif viewer powered by OpenSeadragon
