| e-texts navigator |
| Wylie |
288b1 བཞི་ཡབ་ཡུམ་གྱི་སྔགས། ཧཱུཾ་དྲེག་པ་འདུལ་བའི་ཁྲོ་བོ་བཅུའི་སྔགས། ཕཊ་སྒོ་བ་བཞི་ཡི་སྔགས་སོ།། དེ་ནི་ལྷ་ཚོགས་རྣམས་ཀྱི་སྙིང་པོར་བསྟན་པའོ།། རྣལ་འབྱོར་དབང་ཆེན་ཐོབ་འདོད་པས།། མ་ལ་ཡ་ཡི་ས་ཕྱོགས
288b2 སུ།། ཏིང་འཛིན་བརྟན་པོ་ཐོབ་གྱུར་ནས། ཁྲག་འཐུང་འཕྲོས་པའི་ལྷ་རྒྱུད་གསལ།། དེ་ལྟར་ཡིག་འབྲུ་བཅུ་གསུམ་མོ།། ཆེ་མཆོག་ཡོན་ཏན་ལྷ་ཚོགས་ཀྱི།། སྲོག་དང་སྲོག་གི་སྙིང་པོར་བསྟན།། དེ་ལྟར་སྲོག་ཐོབ་སྙིང
288b3 པོ་རྫོགས།། ཐུན་མོང་དངོས་གྲུབ་གང་འདོད་འགྲུབ།། དེ་ལྟར་སྤྱད་ཅིང་གནས་པ་ནི།། རང་གི་སེམས་ཉིད་དེར་འཕྲུལ་བས།། སེམས་ཀྱི་མཚན་ཉིད་གདོད་ནས་དག། རྒྱུ་དང་རྐྱེན་ལས་རག་མ་ལུས།། སེམས་ཀྱི་ཆོ
288b4 འཕྲུལ་ཐམས་ཅད་ཀྱང་།། ཡེ་ནས་ལྷུན་གྱིས་གྲུབ་པས་ན།། དཔེར་ན་མཚལ་དང་ཁུ་བ་འདྲ།། མཚལ་དམར་ཁུ་བ་དམར་བ་བཞིན།། ཐུན་མོང་དངོས་གྲུབ་ཐོབ་ནས་ནི།། མཆོག་གི་དངོས་གྲུབ་ཆེན་པོ་འཐོབ།། ཚེ
288b5 གཅིག་སངས་རྒྱས་ས་ལ་སྦྱོར།། ཞེས་གསུངས་སོ།། ཆེ་མཆོག་ཡོན་ཏན་གྱི་སྔགས་ཀྱི་དགོངས་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་དག་བཤད་བྱ་བ།། ཡང་དག་ཐུགས་ཀྱི་འཛབ་དགོངས་ལ།། ཨོཾ་རུ
288b6 ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཐོག་མཐའ་ཨོཾ་དང་ཕཊ་བཞག་ནས།། བར་ན་ཡིག་འབྲུ་བདུན་གནས་པ། ཁྲག་འཐུང་ལྷ་རྒྱུད་སྲོག་སྙིང་ཡིན།། ཨོཾ་ནི་ཡེ་ཤེས་རྣམ་པ་ལྔ།། རུ་ནི་ཆགས་པ་ཆེན་པོའོ།། ལུ་ནི་ཀུན་བཟང་ཡུམ་གྱི
iiif viewer powered by OpenSeadragon
