| e-texts navigator |
| Wylie |
279a1 རྙེད།། བྱ་བའི་ལས་ལ་ཐེ་ཚོམ་མེད།། འདི་དང་མི་ལྡན་རྣལ་འབྱོར་གང་།། ཕྱོགས་འགའ་ཙམ་ལ་བརྟེན་པ་རྣམས།། སྔགས་ཀྱི་དེ་ཉིད་མ་རྟོགས་པར།། བྱ་བའི་ལས་རྣམས་ཀུན་ལ་རྨོངས།། ཞེས
279a2 གསུངས་སོ།། སྔགས་ཀྱི་དེ་ཁོ་ན་ཉིད་བསྟན་པའི་ལེའུ་སྟེ་དང་པོའོ།། །། དེ་ནས་རིག་འཛིན་རྣམས་ཀྱིས་ཞུས་པ།། སྤྱི་དཔལ་ཆེན་པོ་ཐབས་ལ་མཁས།། ཐབས་དང་ཤེས་རབ་ཡི་གེ་ལས།། སྔགས་ཀྱི་ན་ཡ་བརྩི
279a3 བའམ།། ཡི་གེ་བཏུ་བ་ཇི་ལྟར་ལགས།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ་པ།། ཉོན་ཅིག་འདུས་པའི་ཚོགས་ཆེན་རྣམས།། སྐྱེ་བ་མེད་པའི་རང་བཞིན་ལས།། སྐྱེ་བའི་ཆོ་འཕྲུལ
279a4 བསྟན་པ་ནི།། ཐབས་དང་ཤེས་རབ་ཡི་གེ་སྟེ།། ཐབས་ནི་རྡོ་རྗེའི་རང་བཞིན་ལ།། ཤེས་རབ་པདྨའི་རང་བཞིན་ནོ།། ཐབས་དང་ཤེས་རབ་གཉིས་མེད་པས།། སྔགས་ཀྱི་སྒྲ་ནི་སྣ་ཚོགས་འབྱུང་།། དེ་ཡི་རྣམ་པ་འདི
279a5 ལྟར་བཤད།། ཀ་ཁ་ག་གྷ་ང་།། ཙ་ཚ་ཛ་ཛྙ་ཉ།། ཊ་ཋ་ཌ་ཌྷ་ཎ། ཏ་ཐ་ད་དྷ་ན།། པ་ཕ་བ་བྷ་མ།། ཡ་ར་ལ་ཝ། ཤ་ཥ་ས་ཧ་ཀྵཿསྒྲའི་གནས་བརྒྱད་ནས་བྱུང་བ་འདི་རྣམས་ནི། ཐབས་རྡོ་རྗེའི་ཡི་གེ་ཡིན་ཏེ། སྡེ་ཚན་བརྒྱད
279a6 པའོ།། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཱི། ཨོ་ཨཽ། ཨཾ་ཨ། སྡེ་ཚན་བརྒྱད་དང་སྦྱར་བ་ཡིས།། དབྱངས་ཀྱི་ཡི་གེ་བཅུ་དྲུག་པོ་འདི་རྣམས་ནི། ཤེས་རབ་པདྨའི་ཡི་གེའོ།། གཉིས་སུ་མེད་པའི་རང་བཞིན
iiif viewer powered by OpenSeadragon
