| e-texts navigator |
| Wylie |
269a1 གཟུགས་བྲིས་ལ།། དམིགས་པའི་རྟེན་དུ་མཁས་པས་གཞག། ཡུལ་གསུམ་གསལ་བར་གྱུར་པ་དང་།། ཤིན་ཏུ་འཇིགས་པའི་དཀྱིལ་འཁོར་ནི།། ཙཀྲ་རྩིབས་དང་སྒོ་བཞིར་བཅས།། རབ་ཏུ་གསལ
269a2 བའི་དབུས་ཉིད་དུ།། བདུད་བགེགས་ཉི་ཟླ་པདྨའི་ཁར།། ལྷ་མཆོག་སྟོབས་ལྡན་ནག་པོ་ནི།། དབུ་གསུམ་ཕྱག་དྲུག་ཞབས་བཞིར་བགྲད།། སྐུ་མདོག་མཐིང་ནག་འཇིགས་པའི་ཞལ།། ཕྱག་ན་རྡོ་རྗེ་དུང་ཁྲག
269a3 དང་།། ལྷ་བརྒྱད་ཀླུ་བརྒྱད་ཙིཏྟ་བསྣམས།། ཞབས་གཉིས་དྲེགས་པ་ཕོ་མོ་གཟིར།། འབྱུང་བ་ལྔ་ཡི་བདག་མོ་ནི།། མཁའ་འདེགས་ས་གཞི་གནོན་པའི་ཕྱག། ཞལ་ནས་འབྱུང་བ་ལྔ་འཆར་མ།། ཡུམ་དང་གཉིས་མེད
269a4 སྦྱོར་བྱེད་པའི།། དྲག་སྔགས་གཙོ་བོ་བསྐྱེད་པར་བྱ།། དྲག་སྔགས་སྡེ་དཔོན་བཅོ་བརྒྱད་པོ།། རང་གི་སྔགས་ལས་བསྐྱེད་བྱ་སྟེ།། འཆི་བདག་གཤིན་རྗེ་ནག་པོ་ནི།། ཐོད་པ་གྲི་གུག་འཛིན་མཛད་ཅིང་།། ཐོད་པ་གྲི
269a5 ག་འཛིན་ཡུམ་ལྡན།། བདུད་ནག་མེ་འབར་ཞེས་བྱ་བ། ཁྲམ་ཤིང་བདུད་ཞགས་ཐོགས་པ་དང་། ཁྲམ་ཤིང་ཐོད་རློན་འཛིན་པ་ཡི།། ཡུམ་དང་སྲིན་པོ་གསོད་བྱེད་ནི།། རལ་གྲི་ཐོད་འཆང་དེ་ཡི་ཡུམ།། གྲི་གུག་མེ
269a6 མགོ་ཐོགས་པའོ།། གནོད་སྤྲིན་གང་བ་བཟང་པོ་ནི།། མདོག་སྔོན་རལ་གྲི་དར་ནག་འཕྱར།། དར་ནག་ཞིང་ལྤགས་འཛིན་པའི་ཡུམ།། མ་ཧཱ་དེ་ཝ་སྐུ་མདོག་དཀར།། བ་དན་ཤེལ་གྲི་འཛིན་པ་དང་།། ཐར་པ་ནག་པོ
iiif viewer powered by OpenSeadragon
