| e-texts navigator |
| Wylie |
264b1 ཞལ་མདོག་ཅན། ཁམས་གསུམ་རྣམ་རྒྱལ་རྡོ་རྗེ་སྦྲུལ།། རྡོ་རྗེ་གསོད་བྱེད་ཡུམ་གྲི་གུག། ཕྲ་མེན་དོམ་དང་སྲེ་མོའི་མགོ། སྟོབས་ཆེན་དུད་ཁ་གནག་དང་ལྡང་།། ཐོ་བ་ཞགས་པ་ཕྱག་ན་སྟེ།། རྡོ་རྗེ་སྐུལ་བྱེད་རྩེ་གསུམ
264b2 འཛིན།། སྤྲུལ་པ་དྲེད་དང་བྱི་ལའི་མགོ། ལྕགས་ཀྱུ་འཛིན་དཀར་པུ་ཤུད་མགོ། ཞགས་འཛིན་གསེར་མདོག་སྐྱ་ཀའི་གདོང་།། སྲིན་བྱའི་གདོང་དམར་ལྕགས་སྒྲོག་ཐོགས།། དྲིལ་འཁྲོལ་ལྗང་གུ་ཁྲ་གདོང་སྟེ།། མ་ལུས
264b3 གསལ་བར་སྐུ་བསྐྱེད་ལ།། གསང་སྔགས་སྙིང་པོ་འདི་ཡང་བཟླ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ།། ཐོག་མཐའ་ཨཱ~ཾ་དང་ཕཊ་བཞག་ནས།། བར་ན་བཅུ་གཉིས་གྲོང་མཛེས་པ།། ཕུར་པའི་ལྷ་རྒྱུད་སྙིང
264b4 པོ་ཡིན།། སྤྲོ་བསྡུས་ཕུར་པའི་འཕྲོ་འདུ་བྱ།། ཕྲིན་ལས་རྣམ་བཞི་ལས་ལ་སྦྱར།། དགྲ་བགེགས་གདུག་པ་ཚར་བཅད་ནས།། ཕྲིན་ལས་རིག་འཛིན་ཐོབ་པར་འགྱུར།། བདེ་བར་གཤེགས་པ་ཐམས་ཅད་འདུས་པ་རྩ
264b5 བའི་རྒྱུད་ལས། ཕུར་པ་ཕྲིན་ལས་སྒྲུབ་པའི་ལེའུ་སྟེ་བཅོ་ལྔ་པའོ།། །། དེ་ནས་བླ་མེད་ཧེ་རུ་ཀས་འདི་སྐད་ཅེས་གསོལ་ཏོ།། ཨེ་མ་སྤྱི་དཔལ་ཁྲོ་བོའི་རྗེ།། མ་མོ་རྦོད་གཏོང་སྒྲུབ་པའི་ཐབས།། ཕྲིན་ལས་ལས་ལ
264b6 བསྐུལ་བའི་ཕྱིར།། རིམ་བཞིན་བདག་ལ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། དཔལ་ཆེན་ཡབ་ཀྱིས་བཀའ་སྩལ་པ།། མ་མོ་རྦོད་གཏོང་བསྒྲུབ་འདོད་པས།། དུར་ཁྲོད་ཆེན་པོའི་ས་ཕྱོགས
iiif viewer powered by OpenSeadragon
