| e-texts navigator |
| Wylie |
263a1 བསྒོམ།། གསང་བའི་སྙིང་པོ་འདི་ཡང་བཟླ།། ཨོཾ་བཛྲ་མ་ཧཱ་ཀྲོ་ཏ་ཧ་ཡ་གྲི་ཝ་ཧུ་ལུ་ཧུ་ལུ་ཧཱུཾ་ཕཊ། ཐོག་མཐའ་ཨཽ་དང་ཕཊ་བཞག་ནས།། བར་ན་བཅུ་བཞིའི་གྲོང་མཛེས་པ།། པདྨའི་ལྷ་རྒྱུད་སྙིང་པོ
263a2 ཡིན།། དབང་གི་ཐུགས་དམ་རྒྱུད་བསྐུལ་ཞིང་།། ཕྲག་འཐུང་ལྷ་ཚོགས་དགྱེས་པ་དང་།། རྣལ་འབྱོར་ཉམས་ཆག་སྡིག་སྒྲིབ་སྦྱོང་།། ཡེ་ཤེས་ལྷ་དང་གཉིས་སུ་མེད།། གསུང་གི་རིག་འཛིན་ཐོབ་པར་འགྱུར།། བདེ་བར
263a3 གཤེགས་པ་ཐམས་ཅད་འདུས་པ་རྩ་བའི་རྒྱུད་ལས། པདྨ་གསུང་གི་སྒྲུབ་ཐབས་ཀྱི་ལེའུ་སྟེ་བཅུ་བཞི་པའོ།། །། དེ་ནས་དཔལ་རྡོ་རྗེ་གཞོན་ནུས་འདི་སྐད་ཅེས་གསོལ་ཏོ།། ཨེ་མ་སྤྱི་དཔལ་ཁྲོ་བོའི་རྗེ།། ཕྲིན་ལས
263a4 སྒྲུབ་ཐབས་བཤད་དུ་གསོལ།། དཔལ་ཆེན་ཡབ་ཀྱིས་བཀའ་སྩལ་པ།། ཕུར་པ་ཕྲིན་ལས་བསྒྲུབ་འདོད་པས།། གནམ་ས་གྲུ་གསུམ་པར་གནས་པ།། དཀྱིལ་འཁོར་བྱི་དོར་བྱས་ནས་ནི།། བདུད་རྩི་ལྔ་ཡིས་ཆག་ཆག
263a5 གདབ།། མཐིང་ནག་ཧཱུཾ་ཡིག་མཁས་པས་དྲི།། ཡུལ་གསུམ་གསལ་བར་གྱུར་པ་དང་།། དུར་ཁྲོད་ཆེན་པོའི་གཞལ་ཡས་ཁང་།། རྩིབས་བཞི་སྒོ་བཞི་ཁྱམས་དང་ལྡན།། དེ་ནང་དྲེགས་པ་ཁྱོ་ཤུག་དང་།། ཕྱོགས་སྐྱོང་ཉི
263a6 ཟླའི་གདན་སྟེང་དུ།། ཧཱུཾ་ལས་རྡོ་རྗེ་གཞོན་ནུ་ནི།། གཡས་དཀར་གཡོན་དམར་དབུས་མཐིང་ཞལ།། སྐུ་མདོག་བཻ་ཌཱུརྱ་ཡི་མདོག། རྩེ་དགུ་རྩེ་ལྔའི་རྡོ་རྗེ་ཆེ།། ཕྱག་གཡས་དེ་བཞིན་གཡོན་པ་ན། ཁ་ཊྭཱཾ་ག་དང་མེ་དཔུང
iiif viewer powered by OpenSeadragon
