| e-texts navigator |
| Wylie |
261b1 མགོ། རྡོ་རྗེ་ལྕགས་ཀྱུ་འཛིན་པ་དང་།། མཐིང་ནག་འབར་བ་སྟག་གི་མགོ། དབྱུག་པ་ཞགས་པ་ཐོགས་པ་དང་།། ལེ་བརྒན་འབར་བ་ཀང་ཀའི་མགོ། མེ་ཡི་པདྨ་ལྕགས་སྒྲོག་བཅས།། སྦྱང་ཀིའི་མགོ་ཅན་ལྡང་ཞིང
261b2 ནག། རྒྱ་གྲམ་ཤེལ་གྱི་གྲི་གུག་འཛིན།། ཤར་ནས་བཟུང་སྟེ་བཀོད་ནས་ཀྱང་།། འབར་གསལ་སྐུ་ཡི་འཕྲོ་འདུ་བྱ།། གསང་སྔགས་སྙིང་པོ་འདི་ཡང་བཟླས།། ཨོཾ་ཨ་ཀྲོ་ཏེ་ཀ་ཡ་མཱན་ཏ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཐོག
261b3 མཐར་ཨོཾ་དང་ཕཊ་བཞག་ནས།། བར་ན་བཅོ་ལྔའི་གྲོང་མཛེས་པ།། གཤིན་རྗེའི་ལྷ་རྒྱུད་སྲོག་སྙིང་ཡིན།། སྐུར་གསལ་འོད་ཟེར་འཕྲོ་འདུ་བྱ།། ཏིང་འཛིན་གྱད་དུ་གྱུར་པ་དང་།། གཤིན་རྗེ་གཤེད་ཀྱི་ལྷ་རྣམས
261b4 ཀུན།། མཁས་པས་རང་གི་སེམས་སུ་བརྟགས།། སྐུ་ཡི་རིག་འཛིན་འཐོབ་པར་འགྱུར།། བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། འཇམ་དཔལ་སྐུའི་སྒྲུབ་ཐབས་ཀྱི་ལེའུ་སྟེ་བཅུ་གསུམ
261b5 པའོ།། །། དེ་ནས་དཔལ་རྟ་མགྲིན་གྱིས་འདི་སྐད་ཅེས་གསོལ་ཏོ།། ཨེ་མ་སྤྱི་དཔལ་ཁྲོ་བོའི་རྗེ།། པདྨ་གསུང་གི་སྒྲུབ་ཐབས་གང་།། སྤྱི་དཔལ་ཡབ་ཀྱིས་བཀའ་སྩལ་པ།། པདྨ་གསུང་གི་སྒྲུབ་པ་པོས།། རི་བོ
261b6 འདུས་པའི་ས་ཕྱོགས་སུ།། དཀྱིལ་འཁོར་བྱི་དོར་བྱས་པ་ལ། ཁྲག་ཆེན་མཚལ་གྱིས་ཧཱུཾ་ཡིག་བྲི།། དམིགས་པའི་རྟེན་དུ་མཁས་པས་གཞག། ཡུལ་གསུམ་གསལ་བར་གྱུར་པ་དང་།། དུར་ཁྲོད་འབར་བའི་གཞལ་ཡས
iiif viewer powered by OpenSeadragon
