| e-texts navigator |
| Wylie |
258a1 སུའོ།། རྡོ་རྗེ་རྒྱ་གྲམ་དྲིལ་བུ་འཛིན།། ལྗང་གུ་བྱང་དུ་བསྐྱེད་པར་བྱ།། མེ་དཔལ་དབྱུག་ཏོ་བསྣམས་པ་ཡི།། དམར་པོ་ཤར་ལྷོའི་མཚམས་ལའོ།། རལ་གྲི་ཞགས་ལྡན་ནག་པོ་ཆེ།། ལྷོ་དང་ནུབ་ཀྱི
258a2 མཚམས་སུ་སྟེ།། དམར་སྐུ་བྷནྡྷ་རྔ་ཡབ་བསྣམས།། ནུབ་བྱང་དག་གི་མཚམས་སུའོ།། དགྲ་སྟ་དང་ནི་རྩེ་གསུམ་འཛིན།། མཐིང་ག་བྱང་ཤར་མཚམས་སུ་བསྐྱེད།། སྔོ་སྐྱ་མདའ་གཞུ་འགེངས་པ་དང་།། དུད་ཁ་ཐོ་བ
258a3 ཞགས་པ་བསྣམས།། སྟེང་དང་འོག་ཏུ་བསྐྱེད་བྱ་སྟེ།། རང་གི་ཕྲིན་ལས་མཚན་དང་ལྡན།། ལྕགས་ཀྱུ་ཞགས་པ་ལྕགས་སྒྲོག་དྲིལ།། རིམ་བཞིན་ཐོགས་པའི་ཏ་ཀྲྀཏ་བཞི།། འབར་གསལ་རྔམས་པ་བསྐྱེད་བྱས
258a4 ལ།། གསང་སྔགས་འདི་ཡང་བཟླས་པར་བྱ།། ཨོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། ཐོག་མཐར་ཨོཾ་དང་ཕཊ་བཞག་ནས།། བར་ན་གྲོང་ཁྱེར་བཅུ་གནས་པ།། ཆེ་མཆོག་འཁོར་བཅས་སྙིང་པོ་ཡིན།། སྐུ་གསལ་འོད
258a5 ཟེར་འཕྲོ་འདུ་བྱ།། དེ་ཉིད་སེམས་ཉིད་ཡིན་ཤེས་ནས།། ལོགས་ནས་ཆེ་མཆོག་བསྒྲུབ་ཏུ་མེད།། དད་ལྡན་འབད་པའི་སྒྲུབ་པ་པོས།། ཡོན་ཏན་རིག་འཛིན་འཐོབ་པར་འགྱུར།། བདེ་བར་གཤེགས་པ་ཐམས་ཅད
258a6 འདུས་པའི་རྒྱུད་ལས། ཆེ་མཆོག་ཡོན་ཏན་སྒྲུབ་པའི་ལེའུ་སྟེ་བཅུ་གཅིག་པའོ།། །། དེ་ནས་འཁོར་གྱི་ནང་ནས་བཛྲ་ཧེ་རུ་ཀ་བཞེངས་ཏེ་འདི་སྐད་ཅེས་ཞུས་སོ།། ཨེ་མ་སྤྱི་དཔལ་ཧེ་རུ་ཀ། ཐུགས་ཀྱི་སྒྲུབ་པ
iiif viewer powered by OpenSeadragon
