| e-texts navigator |
| Wylie |
256b1 པར་ཤེས་པར་བྱ།། གདན་སྟེང་རྒྱུ་ཡི་བྱིན་རླབས་ལས།། བདག་ཉིད་ཆེ་མཆོག་ཧེ་རུ་ཀ། མཐིང་ནག་དབུ་གསུམ་ཕྱག་དྲུག་པ།། ཞབས་བཞི་གྱད་ཀྱི་དོར་སྟབས་བགྲད།། དབུས་ཀྱི་ཞལ་ནི་སྐུ་དང་མཚུངས།། གཡས
256b2 དང་གཡོན་པ་དཀར་དང་དམར།། རྡོ་རྗེ་དེ་བཞིན་ཀ་པཱ་ལའི།། བྱེ་བྲག་རྣམ་པ་གསུམ་གསུམ་ཉིད།། ཕྱག་དྲུག་གིས་ནི་འཛིན་པར་མཛད།། དུར་ཁྲོད་ཆས་ཀྱིས་ལུས་ལ་བརྒྱན།། གཉིས་མེད་ཡུམ་དང་ལྷན་ཅིག
256b3 སྦྱོར།། བསྐལ་པའི་མེ་དཔུང་ཀློང་ན་བཞུགས།། འབར་བའི་ཆ་ལུགས་འཇིགས་པར་བསྒོམ།། ཡབ་དང་ཡུམ་གྱི་ཐུགས་ཀ་ནས།། ཕྱོགས་བཞི་མཚམས་བཞིའི་དཀྱིལ་འཁོར་དུ།། མཐིང་ནག་ཧཱུཾ་གི་འཕྲོ་འདུ
256b4 ལས།། ཤར་དུ་བཛྲ་ཧེ་རུ་ཀ། གཤིན་རྗེ་གཤེད་ནི་དེ་བཞིན་ལྷོ།། ནུབ་ཏུ་རྟ་མགྲིན་རྒྱལ་པོ་སྟེ།། བྱང་དུ་རྡོ་རྗེ་གཞོན་ནུའོ།། ཤར་ལྷོར་བླ་མེད་ཧེ་རུ་ཀ། ནུབ་བྱང་དྲེགས་པ་ཀུན་འདུལ་བ།། སྟོབས་ལྡན་ནག་པོ་བྱང
256b5 ཤར་དུ།། ལྷོ་ནུབ་རིག་འཛིན་གྲུབ་པ་ཡིན།། རྩ་བའི་དཀྱིལ་འཁོར་རྩིབས་བཞི་ལ།། ཆེ་མཆོག་རིགས་བཞི་ཡབ་ཡུམ་དང་།། རིགས་བཞིའི་ཁྲག་འཐུང་ཆེན་པོ་བཞི།། གཤེད་བཞི་སྦྱོར་བའི་ཡུམ་དང་བཅས།། ལས
256b6 ཀྱི་སྲས་མཆོག་བཀའ་ཉན་དང་།། དེ་བཞིན་རིགས་བཞིའི་སྲས་མཆོག་དང་།། དབྱིངས་ཀྱི་ཡུམ་དང་རིག་འཛིན་བཞི།། དྲེགས་པའི་སྡེ་དཔོན་བཞི་བཞི་དག། མེ་ལོང་ནང་གི་གཟུགས་བཞིན་དུ།། སྣང་ལ་མ་ངེས་སོ
iiif viewer powered by OpenSeadragon
