| e-texts navigator |
| Wylie |
253a1 ཞེས་བྱ་བ་དང་། ལྷོར་སྒྲ་ལས་སྤྲུལ་པའི་གཤིན་རྗེ་གཤེད་པོ་ཞེས་བྱ་བ་དང་། ནུབ་ཏུ་གསུང་གི་སྤྲུལ་པ་དཔལ་རྟ་མགྲིན་དང་། བྱང་དུ་ཕྲིན་ལས་ཀྱི་སྤྲུལ་པ་རྡོ་རྗེ་གཞོན་ནུ་དང་། ཤར་ལྷོར་བརྗིད་པའི
253a2 སྟོབས་ཅན་བླ་མེད་ཧེ་རུ་ཀ་དང་། ནུབ་བྱང་དུ་འཇིགས་པའི་སྟོབས་ཅན་དྲེགས་པ་ཀུན་འདུལ་བ་དང་། བྱང་ཤར་དུ་གྱད་ཀྱི་སྟོབས་ཆེན་གྱི་སྤྲུལ་པ་སྟོབས་ལྡན་ནག་པོ་དང་། ལྷོ་ནུབ་རིག་འཛིན་རྡོ་རྗེ་ཆོས་ལས
253a3 སྩོགས། སོ་སོའི་འཁོར་ཚོགས་ཡུམ་དང་བཅས་པ་འདུས་ཏེ། ཁམས་གསུམ་སྲིད་གསུམ་ཐམས་ཅད་འཇིགས་པར་བྱེད་པ་ཁྲོ་བོའི་ཚོགས་ཕོ་བྲང་དགུ་དང་བཅས་པ། ཡབ་ཡུམ་གྱི་མཁའ་ལས་སྤྲུལ་ཏེ་གསལ་བར
253a4 གྱུར་ཏོ།། བདེ་བར་གཤེགས་པ་ཐམས་ཅད་འདུས་པའི་རྒྱུད་ལས། ཁྲོ་བོ་མངོན་བྱུང་གི་དཀྱིལ་འཁོར་སྤྲུལ་པའི་ལེའུ་སྟེ་བདུན་པའོ།། །། དེ་ནས་རིགས་བཞིའི་ཧེ་རུ་ཀས། དཔལ་ཆེན་པོ་ལ་ཕྱག་དང་བསྐོར་བ
253a5 བྱས་ཏེ་ཞུས་པ། ཨེ་མ་སྤྱི་དཔལ་ཧེ་རུ་ཀ། སངས་རྒྱས་ཀུན་གྱི་ཡང་རྗེ་བོ།། ཤིན་ཏུ་ཁྲོ་ཞིང་གཏུམ་པ་ཡི།། གདུག་བྱེད་ལོག་ལྷ་ཅན་རྣམས་ལ།། ཞི་བས་ཕན་པར་མི་འགྱུར་ཏེ།། སངས་རྒྱས་ཐུགས་རྗེ་ཁྲོས་པ
253a6 ཡིས།། འཁོར་བའི་གནས་ངན་ཇི་ལྟར་འདུལ།། དཔལ་ཆེན་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཆེ་མཆོག་ཡབ་ཀྱིས་བཀའ་སྩལ་པ།། ཉོན་ཅིག་རིགས་བཞིའི་ཧེ་རུ་ཀ། དྲེགས་པས
iiif viewer powered by OpenSeadragon
