| e-texts navigator |
| Wylie |
252b1 རྒྱས་ཐམས་ཅད་ཀྱི་ཡང་རྗེ་བོར་གྱུར་པ། རྒྱ་བྱེ་ཆེན་པོ་ལྕགས་ཀྱི་ཆས་དང་། བསེ་ཁྲབ་དབང་གི་ཆས་དང་། གཅན་གཟན་གཟིག་གི་ཆས་དང་། སྤྲུལ་པ་རྡོ་རྗེ་ཆས་དང་། བདུག་པ་སྦྲུལ་གྱི་ཆས་དང་། དབང་པོ་སྟག
252b2 གི་ཆས་དང་། གཟི་མདངས་ཞིང་ལྤགས་ཀྱི་ཆས་དང་། དམར་གསལ་ཁྲག་གི་ཆས་དང་། རྩལ་ཆེན་སེངྒེའི་ཆས་དང་། གཏུམ་པ་དོམ་གྱི་ཆས་ཏེ། དཔལ་གྱི་ཆས་བཅུས་བརྒྱན་པའི་སྐུར་ཡོངས་སུ་བཞེངས་སོ།། དེ
252b3 ལྟར་འཇིགས་བྱེད་ཆེན་པོའི་སྐུ་དང་གཞལ་ཡས་ཁང་ལ་ཆོས་ཐམས་ཅད་ཡོངས་སུ་རྫོགས་པ་ལ་ཡུམ་དང་འཁོར་རྣམས་ཀྱིས་འདི་སྐད་ཅེས་བསྟོད་དོ།། ཨེ་མ་ཧོ། ཆོས་ཀུན་སྐུ་ལ་ཡོངས་རྫོགས་ཆོས་ཀྱི་སྐུ།། སྤྲིན་མེད
252b4 མཁའ་ལ་སྐར་ཚོགས་བརྒྱན་པའི་སྐུ།། རྫོགས་པ་ཆེན་པོའི་ཆེ་མཆོག་ཧེ་རུ་ཀ། རྡོ་རྗེ་ཕྱག་འཚལ་ཧེ་རུ་ཀ་དཔལ་ལའོ།། ཞེས་བསྟོད་པས། ཡབ་ཆེ་མཆོག་གིས་ཡུམ་ཁྲོ་མོ་གནམ་ཞལ་མ་ལ་དགྱེས་པ་ཆེན་པོའི
252b5 མདངས་ཀྱིས་གཟིགས་ཏེ། ཡུམ་གྱིས་སྐུ་ལ་དགྱེས་པའི་མཆོད་པ་ཕུལ་བས། ཡུམ་གྱི་མཁའ་ལས་བྱང་ཆུབ་ཀྱི་སེམས་ཀྱི་འོད་ཟེར་ལས། སྤྲུལ་པའི་ཁྲོ་བོ་བསམ་གྱིས་མི་ཁྱབ་པ་ཕྱོགས་བཅུ་ཐམས་ཅད་དུ་འཕྲོས་པས།
252b6 འཇིག་རྟེན་གྱི་དྲེགས་པ་ཅན་ལྷ་ཆེན་པོ་ཉི་ཤུ་རྩ་གཅིག་ལས་སྩོགས་པ་ཐམས་ཅད་བསྒྲལ་ཏེ། བཏུལ་ཞིང་ཚར་བཅད་ནས། སླར་ཕྱོགས་མཚམས་བརྒྱད་དུ་འདུས་པ་ལས། ཤར་དུ་ཐུགས་ལས་སྤྲུལ་པ་བཛྲ་ཧེ་རུ་ཀ།
iiif viewer powered by OpenSeadragon
