| e-texts navigator |
| Wylie |
247b1 བར་རྫོགས།། རྣལ་འབྱོར་ཡོ་བྱད་རྣམ་གཉིས་སོ།། རང་ལས་བྱུང་ཞིང་རང་ལས་སྤྱོད།། དེས་ན་རྣལ་འབྱོར་དབང་ཕྱུག་ཆེ།། གསང་བའི་སྒྲ་གསུམ་སོད་པ་དང་།། འཇིགས་པའི་བདུད་བཞི་ཆོམ་གྱུར་ནས།། འགྲོ་དྲུག
247b2 གཡང་ས་ཆོད་པ་ཡི།། ཚད་དང་ལྡན་པར་གྱུར་པ་ན།། སངས་རྒྱས་བཞི་བཅུ་རྩ་གཉིས་བརྟག། བདེ་གཤེགས་ཀུན་གྱི་ངོ་བོ་སྟེ།། རང་ལས་བྱུང་ཞིང་རང་ལས་གྲོལ།། ཞེས་གསུངས་སོ།། བདེ་བར་གཤེགས་པ་ཐམས
247b3 ཅད་འདུས་པའི་རྒྱུད་ལས། ཞི་བ་བཞི་བཅུ་རྩ་གཉིས་སྒྲུབ་པའི་ཐབས་ཀྱི་ལེའུ་སྟེ་གསུམ་པའོ།། །། རྡོ་རྗེ་སེམས་དཔས་ཡང་ཞུས་པ།། ཨེ་མ་སྤྱི་དཔལ་ཀུན་ཏུ་བཟང་།། དེ་ཉིད་རིགས་ལྔ་སྒྲུབ་པའི་ཐབས།། ཉོན
247b4 མོངས་རྣམས་ཀྱིས་གཉེན་པོ་ཆེ།། ལེགས་པ་ཉིད་དུ་བཤད་དུ་གསོལ།། སྤྱི་དཔལ་ཆེན་པོས་བཀའ་སྩལ་པ།། དེ་ཉིད་རིགས་ལྔ་བསྒྲུབ་འདོད་པས།། ཡིད་འོང་དབེན་པའི་ས་ཕྱོགས་སུ།། མཎྜལ་བྱི་དོར་གནས་ནས
247b5 སུ།། བདུད་རྩི་རྣམ་ལྔས་ཆག་ཆག་གདབ།། དཔའ་བོ་འབྲུ་ལྔའི་དམིགས་རྟེན་དགོད།། ཡུལ་གསུམ་གསལ་བར་གྱུར་པ་དང་།། དཀྱིལ་འཁོར་འཁོར་ལོ་རྩིབས་བཞི་ལ།། གྲུ་ཆད་སྒོ་བཞི་རྒྱན་གྱིས་མཛེས།། ཕྱི་ནང
247b6 མེད་པར་ཀུན་ཏུ་གསལ།། སེངྒེ་གླང་རྟ་རྨ་བྱ་ཁྱུང་།། ཉི་ཟླ་པདྨའི་གདན་སྟེངས་སུ།། དབུས་སུ་རྣམ་པར་སྣང་མཛད་དེ།། ཤར་དུ་རྡོ་རྗེ་སེམས་དཔའ་ལ།། ལྷོ་རུ་རིན་ཆེན་འབྱུང་ལྡན་ཡིན།། ནུབ་ཏུ་སྣང་བ་མཐའ་ཡས
iiif viewer powered by OpenSeadragon
