| e-texts navigator |
| Wylie |
243b1 དེ་བཞིན་གཤེགས་པའི་རིགས་ལྔ། སོ་སོའི་བཙུན་མོ་དང་། འཁོར་གྱི་སེམས་དཔའ་དང་། སེམས་མ་དང་། སོ་སོའི་འཁོར་ཚོགས་ཏིལ་གྱི་གང་བུ་བཞིན་དུ་བསམ་གྱིས་མི་ཁྱབ་པ་ཡུམ་ཀུན་ཏུ་བཟང་མོའི་མཁའ་ནས།
243b2 རང་རང་གི་དཀྱིལ་འཁོར་དགུ་རྒྱན་དང་བཅས་པ་ཐོན་ཏེ། ཡེ་ཤེས་རང་གནས་ཀྱི་ལྷ་ཚོགས། སྣང་ལ་རང་བཞིན་མེད་པ། ལྷམ་མེ་ལྷན་ནེ་ལྷང་ངེར་གསལ་བར་གྱུར་ཏོ།། བདེ་བར་གཤེགས་པ་ཐམས་ཅད་འདུས
243b3 པའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་བཅོམ་ལྡན་གསང
243b4 བདག་ཆེ།། རིགས་ཀྱི་རིགས་ཏེ་རིགས་ཀྱི་གཙོ།། དཀྱིལ་འཁོར་ཀུན་གྱི་བྱེད་པ་པོ།། བདེ་བར་གཤེགས་པ་ཀུན་འདུས་པའི།། ཞི་བ་དམ་པ་རིགས་བརྒྱ་ཡི།། སྒྲུབ་ཐབས་བདག་ལ་བཤད་དུ་གསོལ།། ཞེས་གསོལ
243b5 པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ།། ཉོན་ཅིག་ཁྱབ་བདག་རྡོ་རྗེ་སེམས།། འདུ་འཛི་སྤངས་པའི་རྣལ་འབྱོར་པས།། དམ་པ་རིགས་བརྒྱ་བསྒྲུབ་འདོད་པས།། བཀྲ་ཤིས་ཡིད་འོང
243b6 དབེན་པའི་གནས།། ཤར་རི་དམའ་ལ་ལྷོ་རི་གཞོལ།། ནུབ་རི་མཐོ་ལ་བྱང་རི་སྐྱོབ།། མདུན་ན་མེ་ཏོག་སྣམ་བུ་ཡོད།། བྱ་རྒྱལ་ཁུ་བྱུག་སྒྲ་ཡང་གྲགས།། རྩེ་ཤིང་མེ་ཏོག་ཡལ་ག་སྐྱེ།། དྲི་ཞིམ་སྤོས་ཀྱི་ངད་ལྡན
iiif viewer powered by OpenSeadragon
