| e-texts navigator |
| Wylie |
243a1 རིགས་ཀྱིས་ཕྱག་ན་རྡོ་རྗེ་རྒྱ་གྲམ་བསྣམས་ནས། མཉམ་པ་ཉིད་ཀྱི་སྐྱིལ་ཀྲུང་དང་། རྡོ་རྗེའི་སྐྱིལ་ཀྲུང་དང་། རིན་པོ་ཆེའི་སྐྱིལ་ཀྲུང་དང་། པདྨའི་སྐྱིལ་ཀྲུང་དང་། ལས་ཀྱི་རིགས་ཀྱིས་སྐྱིལ་ཀྲུང་གི
243a2 བཞུགས་པ། སོ་སོ་རང་རང་གི་གདན་གྱི་སྟེང་དུ་སྤྲུལ་ཏོ།། འཁོར་གྱི་བྱང་ཆུབ་སེམས་དཔའ་དང་སེམས་མ་རྣམས་ནི། ཆོས་ཐམས་ཅད་མཉམ་པ་ཉིད་དུ་སྦྱོར་བས། སེམས་དཔའི་སྐྱིལ་ཀྲུང་དུ་བཞུགས་ནས། རང
243a3 རང་གི་རིགས་ཀྱི་སྐུ་མདོག་དང་ཕྱག་མཚན་དང་རྟགས་རྣམས་སོ་སོར་འཛིན་པར་སྤྲུལ་ཏོ།། དེ་དག་ཐམས་ཅད་ཀྱང་། སྐུ་མཉེན་པ་དང་། ལྷུག་པ་དང་། འཁྲིལ་བ་དང་། ལྡེམ་པ་དང་། གཞོན་ཚུལ་ཅན་དང་། གསལ
243a4 བ་དང་། འཚེར་བ་དང་། ལྷུན་སྡུག་པ་དང་། བརྗིད་ཆགས་པ་དང་། གཞན་ཡང་ཐུན་མོང་གི་རྒྱན། དབུ་རྒྱན། རིན་པོ་ཆེའི་འཕྲེང་བ་དང་། མེ་ཏོག་གི་ཕྲེང་བ་དང་། སྙན་ཆ་དང་། མགུར་ཆུ་དང་། དོ་ཤལ་དང་། སོ
243a5 མོ་དོ་དང་། ཕྱག་གདུབ་དང་། ཞབས་གདུབ་དང་། དར་གྱི་ཅོད་པན་དང་། ཆོས་གོས་དང་། སྟོད་གཡོགས་དང་། སྨད་གཡོགས་དང་། སྨད་དཀྲིས་དང་། མཛད་པ་དར་གྱི་གསང་གོས་དང་བཅས་ཏེ། འོད་ཀྱི་དཀྱིལ
243a6 འཁོར་ཁ་དོག་སྣ་ཚོགས་ལས། སྣ་ཚོགས་སུ་འཕྲོ་བ་ལྟ་བུས་བརྒྱན་ནས་ཕྱོགས་སུ་འཁོད་དོ།། དེ་ལྟར་བདེ་བར་གཤེགས་པ་རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་།
iiif viewer powered by OpenSeadragon
