| e-texts navigator |
| Wylie |
220a1 གནས།། བདེ་བའི་ཡེ་ཤེས་གང་བསྐྱེད་པ།། གསང་ཆེན་སྒོ་ཡི་རྣམ་རོལ་ལས།། འབྱུང་ལྡོག་གནས་པ་རྣམ་པར་བྱེད།། སྟེང་དང་འོག་དང་བར་དག་དང་།། སྡོང་པོ་གསུམ་དང་ཡལ་ག་དང་།། འཁོར་ལོ
220a2 ལྔ་ལ་སོགས་པ་ཡི།། སྟོང་ཕྲག་བདུན་ཅུ་རྩ་གཉིས་ཀྱང་།། བཀྲ་ཤིས་གང་བའི་རྫུ་འཕྲུལ་གྱིས།། རྣམ་པར་གཡོ་དང་མི་གཡོ་བའི།། ཏིང་འཛིན་ཡང་དག་འཕེལ་འགྱུར་ཞིང་།། དེ་ལ་རྣམ་པར་རྒྱུ་བ་ཡི།། རྩ་བ་ལྔ་དང
220a3 ཡན་ལག་རྣམས།། རྣམ་པར་གྱེས་པའི་རྣམ་གྲངས་སུ།། ཉི་ཁྲི་ཆིག་སྟོང་དྲུག་བརྒྱ་དག། ལས་དག་བྱང་ཆུབ་ཉིད་གྱུར་ནས།། ཡང་དག་ཡེ་ཤེས་ཟླ་འོད་བཟང་།། ཟླ་བ་རྣམ་པར་དཀར་བར་འཕེལ།། ཉི་མའི་སྟོབས
220a4 ཀྱང་རབ་འབར་བས།། འབར་འཛག་སྟོབས་མཉམ་སྦྱོར་བ་ཡིས།། རྣམ་གྲོལ་འབྲས་བུ་མཆོག་ལ་རེག། གཡས་གཡོན་སྟེང་འོག་རྣམ་བཅིངས་པས།། གང་གི་ཐིགས་པས་རྒྱ་མཚོ་དཀྲུག། རླངས་པའི་འོད་ཟེར་སྟོང
220a5 ཁམས་ཁེངས།། འཛག་པ་མེད་པས་འཛག་པ་འཕེལ།། འོག་ནས་བཅིངས་ཏེ་སྟེང་དུ་བསྐྱོད།། སྒྲ་གཅན་དག་གིས་མཉམ་གནས་པ།། ཡོངས་ཁྱབ་ངོས་བཟུང་བྲལ་བ་ཡི།། མཆོག་དོན་རྣམ་པར་བསྒྱིངས་བལྟས
220a6 པས།། ཡང་དག་མཆོག་ལ་ཡང་དག་པར།། གནས་པའི་སྟོབས་ཀྱང་དེ་ལས་འབྱུང་།། མདོར་ན་གནས་དང་སྤྱོད་པ་དང་།། འགྲོ་དང་འོང་དང་འདུག་པ་དང་།། ཁྱིམ་དང་བདག་པོ་ནོར་བྱས་པར།། རོ་མཉམ་གཅིག
iiif viewer powered by OpenSeadragon
