| e-texts navigator |
| Wylie |
219b1 དག་སྲིད་ལས་རྣམ་གྲོལ་བ།། མར་དུ་ཐལ་བ་རབ་འགགས་ནས།། སྣང་བྱེད་རབ་ཏུ་ཐལ་བར་འགྱུར།། བར་དུ་རྣམ་པར་ལྡིང་བྱེད་ཀྱང་།། སྲིད་ལས་རྣམ་གྲོལ་ལྡིང་ལས་གྲོལ།། དེ་དང་དེ་སོགས་དཀར་ནག
219b2 ཆོས།། སྲིད་ལས་གྲོལ་དང་མ་གྲོལ་དབང་།། ལས་ཀྱི་འཆིང་བ་དག་མ་དག། འཆིང་བ་དག་པས་སྲིད་ལས་གྲོལ།། འཆིང་བ་མ་དག་སྲིད་པར་འཁོར།། དེས་ན་སྲིད་པའི་འཁོར་ལོ་ནི།། བཤིག་པའི་རྟེན་འབྲེལ་ཟབ
219b3 མོ་ནི།། ཐབས་ཀྱི་སྦྱོར་བ་རྣམས་ལས་འབྱུང་།། ཐབས་ནི་ཐབས་ལྡན་ཆེན་པོས་གསུངས།། དེ་ལ་ཡང་དག་བརྟེན་ནས་བྱས།། བླ་མ་དང་ནི་འབྲེལ་པ་ཡིས།། ཡེ་ཤེས་རྩལ་ལས་འབྱུང་བར་འགྱུར།། དེ་ནི་དཔལ་དང
219b4 ལྡན་པར་འགྱུར།། སྦྲི་ཕུད་བཞི་པར་གྱུར་པའོ།། ཡི་དམ་གསང་རྒྱུད་བཀའི་ཐ་རམ་ལས། སྲིད་པའི་འཁོར་ལོ་རྣམ་པར་བལྟ་བའི་ལེའུ་སྟེ་བཞི་པའོ།། །། ཨ་ལ་ལ་ཧོ།། སྣང་སྲིད་འཁོར་འདས་སྤྱི་དཔལ
219b5 གཙོ།། གསང་བ་མཆོག་ལས་ལེགས་བྱུང་ཞིང་།། གསང་ལས་ཡང་དག་གསང་བར་ལྡན།། གསང་བའི་དཀྱིལ་འཁོར་ལས་བྱུང་ཞིང་།། འཁོར་བ་རྣམས་ཀྱང་གསང་བ་ལས།། བྱུང་ཞིང་འཁོར་བའི་འཁོར་བར
219b6 འཁོར།། དེ་བཞིན་མྱ་ངན་འདས་པ་ཡང་།། གསང་བའི་དཀྱིལ་འཁོར་ལས་བྱུང་ཞིང་།། མྱ་ངན་འདས་དང་མྱ་ངན་འདའ།། གསང་བའི་འཁྲུལ་འཁོར་འཛིན་ཀྱང་འཇིག་པ་ཅན།། གསང་བའི་གནས་ལ་རྣམ་པར
iiif viewer powered by OpenSeadragon
