| e-texts navigator |
| Wylie |
219a1 བདག་གིར་འཛིན་པ་དང་།། བདག་གི་སྣང་བ་རབ་རྒྱས་པས།། དེ་ཀུན་བདག་ལས་གྲོལ་བ་ཡང་།། སྲིད་པའི་འཆིང་ལས་གྲོལ་བ་སྟེ།། བདག་དབང་རྐྱེན་གྱིས་རྣམ་བསྐྱོད་པས།། སྲིད་པ་ཉིད་འཁྲུལ
219a2 འཁོར་ལོ་ནི།། ཡང་ནས་ཡང་དུ་ཡང་བསྐོར་བས།། དེ་དག་ཟག་པ་གཅོད་པ་ཡང་།། སྲིད་པའི་འཆིང་ལས་གྲོལ་བ་སྟེ།། འདམ་ལས་སྐྱེས་པའི་པདྨ་ནི།། འདམ་གྱི་སྐྱོན་གྱིས་མ་གོས་པ།། འདམ་མེད་པདྨ་མི་འབྱུང
219a3 ཡང་།། པདྨ་ཉིད་ལས་པདྨ་ཡི།། ས་བོན་འདམ་གྱིས་བསྐྱེད་ནས་བྱུང་།། འཁོར་བར་གནས་པའི་མི་གང་དག། འཁོར་བའི་འཇིགས་པ་གྲོལ་བྱེད་པ།། འཁོར་བར་ཉིད་དུ་རང་གནས་པས།། འཁོར་སྐྱོན་མ་གོས་དེ
219a4 དག་ཀྱང་།། སྲིད་པའི་དྲ་བ་ཆོད་ལས་སོ།། དེ་ལྟར་སྲིད་པའི་དྲ་བ་དག། གཅོད་པར་བྱེད་པའི་ས་མཁན་ནི།། དངོས་ཅན་གསལ་བའི་རང་འོད་ཀྱིས།། རང་སྣང་འོད་དུ་རབ་འབར་བ།། རང་རིག་རང་བྱུང་ཆེན་པོའི
219a5 རྩལ།། འགྲོ་འདུལ་ཐབས་ཀྱི་རྒྱལ་པོ་ཡིས།། སྣ་ཚོགས་རྩལ་གྱིས་སྣང་བར་བྱེད།། རོལ་པའི་ཆོ་འཕྲུལ་འབར་བ་ལས།། ཐབས་ཀྱི་ཆོ་འཕྲུལ་རབ་སྣང་བ།། མཛད་པའི་རྣམ་སྦྲུལ་རྩལ་ཤར་ཞིང་།། ཡེ་ཤེས་སྣང་བར
219a6 རབ་རྒྱས་བྱེད།། བདག་རྟོག་འཆིང་བའི་སྲིད་པ་དང་།། གཞན་འཛིན་དབང་ཡུལ་སྲིད་པས་བཅིངས།། གཟུང་དང་འཛིན་པ་རབ་སྤངས་ནས།། སྲིད་པའི་དྲ་བ་ཀུན་ལས་གྲོལ།། ཡར་དང་མར་དུ་ཟང་ཐལ་བས།། དེ
iiif viewer powered by OpenSeadragon
