| e-texts navigator |
| Wylie |
216b1 @#། ཨུ་རྒྱན་གསང་བ་བརྡའི་སྐད་དུ། ཨན་རྠརྫ་མ་ཧྱཾཿ། ཁཱསྭ། བོད་སྐད་དུ། ཡི་དམ་གྱི་གསང་རྒྱུད་བཀའི་ཐ་རམ་ཞེས་བྱ་བ། བཅོམ་ལྡན་འདས་དཔལ་ཞི་བ་དང་། ཁྲོ་བོ་དང་། རྔམ་པ་དང་། ཡབ་དང་། ཡུམ
216b2 དང་། སྲས་དང་། འཁོར་དང་། སྤྲུལ་པ་དང་། ཡང་སྦྲུལ་དུ་བཅས་པ་ལ་ཕྱག་འཚལ་ལོ།། དཀར་སེར་དམར་ལྡང་འཁྲིགས་པའི་ཀློང་།། དཔལ་ཆེན་རྔམ་པའི་དཀྱིལ་འཁོར་ནས།། ཞི་བའི་ངང་ལས་ཁྲོ་སྐུར
216b3 བཞེངས།། རྣམ་འགྱུར་ཆ་ལུགས་སྤྲུལ་པ་ཅན།། བཞད་པའི་ང་རོས་སྟོང་ཁམས་གང་།། བརྩེ་བའི་ཐུགས་རྗེ་ཆེར་འགྱེད་པ།། དཔལ་ཆེན་སྟོབས་ཀྱི་རྒྱལ་པོ་ཡིས།། ཉིད་ཀྱི་སྐུ་ཡི་དཀྱིལ་འཁོར་ནས།། རང་བྱུང་སྤྲུལ
216b4 པའི་འཁོར་ཤར་ཞིང་།། མདུན་དུ་རྣམ་པར་བཀོད་པ་ལས།། གསང་ཆེན་ཐ་རམ་འདི་གསུངས་པ།། ཨ་ལ་ལ་ཧོ།། སྣང་སྲིད་འཁོར་འདས་སྤྱི་དཔལ་གཙོ།། སྤྱི་གཙུག་དབྱིངས་ཀྱི་དཀྱིལ་འཁོར་དུ།། རབ་ཏུ་གསལ
216b5 བའི་འོད་ཤར་བ།། གཅིག་ཏུ་བཟླུམ་དང་དུམ་བུར་འཐོར།། ཟླུམ་པོ་ཉིད་ཀྱི་ཀློང་དུ་ཐིམ།། དེ་ཀུན་རང་རྩལ་རྫོགས་པའི་མགོན།། དུམ་བུར་འཐོར་བ་ཀུན་ཏུ་ཁྱབ།། ནམ་མཁའི་ཁམས་ཀུན་རབ་སྣང་བྱས།། མི
216b6 མངོན་དབྱིངས་ནས་རྣམ་པར་སྣང་།། མེ་ལས་མེ་དང་ཆུ་ལས་ཆུ།། རླུང་ལས་རླུང་དང་ས་ལས་ས།། ནམ་མཁའ་གཡོ་མེད་ཡོངས་ལ་ཁྱབ།། ཁྱབ་བདག་རང་བཞིན་དཀྱིལ་འཁོར་ཅན།། རལ་པའི་ཅོད་པན་རབ་གཟེང
iiif viewer powered by OpenSeadragon
