| e-texts navigator |
| Wylie |
215a1 ཟུང་དུ་འཇུག། མ་བྱས་རང་བྱུང་ཆོས་རྣམས་དང་།། རྩོལ་བྱས་བྱུང་བའི་ཆོས་རྣམས་ཀྱང་།། འགག་མེད་ཟུང་དུ་འཇུག་པའོ།། རྒྱུ་ལས་བྱུང་བའི་ཆོས་རྣམས་དང་།། རྐྱེན་གྱིས་བསྒྱུར་བའི་ཆོས་རྣམས
215a2 ཀྱང་།། གཉིས་མེད་ཟུང་དུ་འཇུག་པ་སྟེ།། མདོར་ན་གཉིས་དང་གཉིས་ཆོས་ཀུན།། གཉིས་མེད་སྤྲོས་བྲལ་ཟུང་འཇུག་ཆོས།། དེ་ཕྱིར་བདེ་དང་སྟོང་པའི་ཆོས།། ཟག་མེད་ཀློང་དུ་ཟུང་ཆུད་པས།། ཐབས་ཀྱི་དཔའ་བོ
215a3 སྟོབས་ལྡན་དང་།། ཤེས་རབ་དཔའ་མོ་སྟོབས་བྲལ་བ།། ལྷན་ཅིག་གནས་པའི་ཆོ་འཕྲུལ་གྱིས།། སྣང་སྟོང་ཡེ་ཤེས་ཉིད་སྣང་བ།། འཁྲུལ་འཁོར་བ་ཡི་རྣམ་འཕྲུལ་གྱིས།། འཁོར་འདས་ཡོངས་གྲུབ་ཡེ་རྫོགས
215a4 དཔལ།། རྣལ་འབྱོར་རྒྱལ་པོ་རྣམས་ཀྱིས་བལྟ། ཁྱིམ་གྱི་དཀྱིལ་འཁོར་ཆེན་པོ་ལ།། ཡིད་བཞིན་ནོར་མཆོག་རབ་སྣང་བ།། རྒྱུ་བྱེད་བདག་པོའི་ཆོ་འཕྲུལ་དང་།། འགྲོ་དང་འོང་དང་གནས་པའི་སྟོབས།། ཉི་མ་ཟླ་བ་སྒྲ
215a5 གཅན་འཛིན།། གླིང་བུའི་སྒྲ་ལས་དྲངས་ནས་ནི།། སྟེང་དང་འོག་ཏུ་རྣམ་པར་བཅིང་།། འཕྲོ་བ་དགག་ཅིང་གནས་པ་སྤྱོད།། རྣམ་པར་རྒྱུ་དང་རྒྱུ་བ་ནི།། དགག་དང་མི་དགག་བླང་དོར་མེད།། དེ་དག་ཡིད་ཀྱི་སྐྱེས
215a6 བུས་བསད།། ཉི་མ་དག་ཏུ་ཡང་དག་ལྡན།། ཟླ་བ་དག་ཏུ་ཡང་དག་སྣང་།། ཟླ་བ་དབྱིངས་སུ་བསྐྱོད་དེ་བཅིང་།། ཉི་མ་འོག་ཏུ་གནས་པ་སྦར།། འབར་དང་འཛག་པའི་ཆོ་འཕྲུལ་ཀུན།། སྲོག་གི་གནས་སུ་ཡང་དག
iiif viewer powered by OpenSeadragon
