| e-texts navigator |
| Wylie |
214b1 གཡོས་མ་གཡོས།། བྱད་དང་མེ་ལོང་རྟེན་འབྲེལ་ཡིན།། རྒྱུ་དང་རྐྱེན་ལས་མ་གཡོས་པའོ།། གཡོ་བ་མེད་ལས་གཡོས་པ་དང་།། མེད་ལས་ང་ཡིར་འཛིན་སྣང་བ།། ལུགས་འབྱུང་དང་ནི་ལུགས་བཟློག་སྟེ།། མདུང
214b2 ཁྱིམ་པར་སྣང་འཇའ་རིས་བཞིན།། ཆོ་འཕྲུལ་རྣམ་པར་དེ་འཕྲུལ་པས།། ལ་ལ་འཁོར་ལོའི་རྩིབས་ལ་བསྐྱོན།། མ་རིག་ལ་སོགས་འཐིབས་པོས་ནོན།། ལ་ལ་ཡེ་ཤེས་རང་རྩལ་རྫོགས།། མཁྱེན་དང་བརྩེ་བའི་བདག
214b3 ཉིད་ཅན།། ལ་ལ་གཞི་ལས་གཡོས་མེད་པར།། བཟང་དང་ངན་སོགས་རྩལ་མ་འཕྲོས།། བག་ལ་ཉལ་དུ་གནས་པའོ།། དེ་དང་དེ་ཡི་གནས་དཔྱད་དེ།། སྐྱེ་འབྲི་ལ་སོགས་ཡང་དག་ཤེས།། དགོངས་དང་ཡང་དག
214b4 དགོངས་པ་དང་།། གཉེན་དང་ལྡེམ་དང་དྲང་པོ་དང་།། དགོངས་པའི་ཆོ་འཕྲུལ་ཡང་དག་ལས།། འདུ་དང་འཕྲོ་བའི་ཆོས་རྣམས་ཀྱི།། གཏང་གཞག་མེད་ལ་དེ་བཞིན་སྤྱོད།། བླ་མའི་གསང་རྒྱུད་བཀའི་བང་མཛོད
214b5 ལས། གྲོལ་ལམ་རྫོགས་རིམ་གྱི་ལེའུ་སྟེ་བཞི་པའོ།། །། ཡང་གསང་ཟུང་འཇུག་སྟོན་པ་ཡིས།། ཟུང་དུ་འཇུག་པའི་ཆོས་རྣམས་ཀུན།། ཟུང་དུ་འཇུག་པའི་འཁོར་རྣམས་ལ།། ཟུང་དུ་འཇུག་ཕྱིར་ཡང་དག
214b6 བསྟན།། འཁོར་དང་འདས་པའི་ཆོས་རྣམས་ཀུན།། སྤྱི་དང་བྱེ་བྲག་ཁྱད་པར་ཡང་།། ཟུང་དུ་འཇུག་པ་ཆེན་པོ་སྟེ།། སྣང་བ་མ་འགགས་བསྐྱེད་པ་དང་།། སྟོང་པ་མཐའ་བྲལ་རྫོགས་པ་ཡང་།། གཉིས་མེད་ཆེན་པོར
iiif viewer powered by OpenSeadragon
