| e-texts navigator |
| Wylie |
214a1 རང་ལ་གྲོལ་བའི་གནད།། གཡོ་འགུལ་འཕོ་འགྱུར་མེད་པར་གཞག། རང་ལུགས་བབ་ལ་རྩལ་ཆེན་འབར།། བཟང་དང་ངན་དང་དཀར་ནག་ཆོས།། གང་ཡང་བླང་དང་དོར་མེད་པར།། རང་སྣང་རང
214a2 གྲོལ་ཆེན་པོར་བཞག། མཉམ་པ་ཉིད་ལས་མཉམ་སྣང་བ།། བྱེད་པ་མེད་ལས་ཐམས་ཅད་བྱས།། གང་ཡང་དགག་དང་བསྒྲུབ་མེད་པར།། བབ་ལ་སྤྱོད་པའི་རྣམ་འགྱུར་ཅན།། འདི་ཀུན་སྤྱོད་པའི་རྒྱལ་པོ་ཡིན།། ཀུན
214a3 གསལ་ཀུན་ཏུ་སྣང་བའི་ཆོས།། བཅོས་བསླད་མེད་པར་རང་གཤིས་སུ།། འགྱུར་བ་མེད་པར་ངང་དུ་ཕྱམ།། ལུས་ངག་ཡིད་ལ་རྣམ་རོལ་པ།། སྐུ་གསུམ་བསླབ་པ་ཉིད་ལ་གནས།། ཕྲ་མོའི་ལས་ཀུན་རྣམ་པར
214a4 སྣང་།། རང་བྱུང་གཞི་ལས་གཡོས་མེད་པར།། ལམ་གྱི་རྩལ་ཆེན་རབ་རྫོགས་པར།། ཕྱི་ནང་འཁྲུལ་པའི་བློ་ཟད་དེ།། རང་བྱུང་བཅུད་དུ་རབ་སྨིན་པས།། འབྲས་བུ་རྩོལ་མེད་གཞི་ལ་ཕེབས།། འདི་ཀུན་འབྲས་བུའི
214a5 རྒྱལ་པོ་ཡིན།། རེ་དོགས་མེད་པའི་རྩལ་ཆེན་གྱིས།། མཐའ་བྲལ་དབྱིངས་ལ་ཀུན་སྤྱོད་སྐྱོང་།། བྱ་བ་བྱས་ཤིང་བྱེད་པ་བྱས།། བྱ་རྩོལ་སྣང་བའི་ཆོས་ལ་འདས།། སྣང་སྲིད་འཁོར་འདས་མ་ལུས་པ།། སྐད་ཅིག་རང
214a6 བྱུང་དབྱིངས་སུ་རྫོགས།། དེ་ལས་སྣང་སྟོང་ཡེ་ཤེས་ཀྱི།། རྩལ་ཆེན་འབར་བ་སྣ་ཚོགས་ཀྱི།། ཉིད་ལས་རང་བྱུང་སྣང་བ་སྟེ།། འཁོར་དང་འདས་པའི་སྤྱི་མེས་ཡིན།། དེ་ལས་རྣམ་པར་རོལ་པ་ཡིས།། གཞི་སྣང་ཡེ་ཤེས
iiif viewer powered by OpenSeadragon
