| e-texts navigator |
| Wylie |
213a1 དང་ཆུང་དང་རང་མཚམས་པར།། ཡིད་ཀྱིས་རྣམ་པར་སྤྲུལ་ཞིང་བསྐྱེད།། གདོད་ནས་དག་པ་ཡེ་ཤེས་སེམས།། བཀུག་བསྟིམ་རྣམ་པར་རོལ་པས་སྤྱད།། འཕྲོ་དང་འདུ་བའི་རང་བཞིན་གྱིས།། གཏད
213a2 གཞག་མེད་པར་རྣམ་པར་གནས།། ཡང་དག་ལྷ་ཚོགས་དེ་བཞིན་གཤེགས།། རིམ་དང་སྐད་ཅིག་དྲན་རྫོགས་སུ།། ཐ་མ་རབ་ཀྱི་བློ་ཡིས་གསལ།། རང་སྔགས་མཚན་བཅས་སྙིང་པོ་དང་།། མཚན་མ་མེད་པའི་རང
213a3 སྔགས་ཀྱིས།། གནད་ལ་དབབ་པའི་མཆུ་སྦྱོར་དང་།། འབྱིན་འཇུག་གནས་པའི་འགྲོ་འོང་གིས།། རང་སྣང་གཙོ་འཁོར་བཙོན་དུ་བཟུང་།། དབྱེར་མེད་གཅིག་ཏུ་གཏན་ལ་དབབ།། ནུས་པའི་རྩལ་ཆེན་སྦར་བར
213a4 བྱ།། གནམ་ས་རི་རབ་གཡོ་བར་བྱ།། རྒྱ་མཚོ་ཧུབ་ཀྱིས་གདབ་པ་དང་།། ཉི་ཟླ་ཆ་ལང་ལྟ་བུར་བརྡབ།། འབྱུང་བའི་དཀྱིལ་འཁོར་ཐམས་ཅད་ཀྱང་།། ཕྱི་ནང་གསང་བའི་རིམ་གྱིས་དཀྲུག། ཕྱི་ནང་སྣང་སྲིད་དབང་དུ
213a5 བྱས།། འཇིག་རྟེན་འདས་དང་མ་འདས་པའི།། ལྷ་རྣམས་རང་དབང་བྲན་དུ་བྱ།། བདག་དབང་ཁོ་ཡིས་མ་ཡིན་ཞིང་།། ཁོ་ཉིད་བདག་གི་དབང་དུ་སྟེ།། ཆོ་འཕྲུལ་གར་གྱིས་གཏན་ལ་ཕབ།། དེ་ལྟར་བསྐྱེད་པའི་ཡེ
213a6 ཤེས་ཀྱི།། རང་སྣང་གནད་ལ་ཕབ་ནས་ཀྱང་།། འཁྲིད་པའི་སྣ་ཟག་ལ་བརྟེན་ནས།། འཁྲུལ་པའི་གཡུལ་ངོ་རིམ་གྱིས་བཟློག། བག་ཆགས་རི་བོ་ཐབས་ཀྱིས་བསྒྱེལ།། ཕྲིན་ལས་དམིགས་སུ་ངང་གིས་བསྒྱུར།། སྣ
iiif viewer powered by OpenSeadragon
