| e-texts navigator |
| Wylie |
212b1 རྩལ་གྱི་ཡེ་ཤེས་ལྷ།། མ་དག་སྣ་ཚོགས་ལས་སྤྱོད་པའི།། འགྲོ་བ་དྲུག་སོགས་ཡུལ་ཅན་བཟུང་།། འཛིན་པའི་རྟོད་ཕུར་མ་ཞིག་པར།། བག་ཆགས་སྣ་ཚོགས་འཁྲུལ་པའི་ལུས།། ཡིད་ཀྱི་དབང་པོའི་སྤྱོད་ཡུལ
212b2 ལ།། ནང་དུ་འབྱུང་བའི་རང་རྩལ་ལས།། བདག་ལུས་སྒྱུ་མའི་གྲོང་མཁར་དུ།། རྣམ་པར་སྣང་བའི་གདོས་པ་ཅན།། རྣམ་པ་དུ་མའི་གཟུགས་སུ་ཆགས།། རྩ་དང་རླུང་དང་ཁམས་དང་ཡང་།། རྣམ་པར་རྒྱུ་དང་མི་རྒྱུ
212b3 བ།། འདས་དང་མ་འོངས་ད་ལྟར་གྱི།། ལས་འབྲས་བྱས་བྱུང་བྱེད་པའི་མཐུས།། དཀར་དང་ནག་དང་འཆོལ་པར་ཡང་།། ལས་ཀྱི་འཕྲོ་འདུ་བྱེད་པ་སྟེ།། རང་སྣང་རྣམ་པར་དག་ཤེས་ན།། ཡེ་ཤེས་ལྷ་ཡི་གཞལ་ཡས
212b4 སུ།། ངོ་བོ་སྟོང་པ་ཆོས་ཀྱི་སྐུ།། རང་བཞིན་རང་གསལ་ལོངས་སྤྱོད་རྫོགས།། ཐུགས་རྗེའི་རྩལ་སྣང་འཕྲོ་འདུ་བ།། རང་བྱུང་སྤྲུལ་པའི་སྐུར་གྲོལ་བས།། འཁྲུལ་སྣང་རང་དག་ལྷ་ཡི་སྐུ།། དཀར་སེར་དམར་ལྡང་ལ
212b5 སོགས་པ།། སྐུ་མདོག་སྣ་ཚོགས་འོད་དང་བཅས།། ཟེར་གྱིས་འགྲོ་བ་འདུལ་བའོ།། ཡོངས་ཁྱབ་ཆེན་པོའི་ལྷར་གྲུབ་སྟེ།། དེ་ལྟར་མ་རྟོགས་འཁྲུལ་པའི་བློ།། གཟུང་འཛིན་རང་སྣང་འཁྲུལ་ཕྱིར་བརྒྱུད།། དེ་དག།
212b6 འཁྲུལ་འཁོར་བཤིག་བྱའི་ཕྱིར།། དང་པོ་དེ་བཞིན་ཉིད་ཀྱི་ངང་།། ཀུན་ཏུ་སྣང་བའི་ཏིང་འཛིན་ལས།། རྒྱུ་ཡི་ཡི་གེ་རྣམ་པར་སྤྲོས།། དེ་ལས་བདག་ཉིད་དམ་ཚིག་པ།། མོས་བསྐྱེད་སྐུ་མདོག་ཕྱག་མཚན་བཅས།། ཆེ
iiif viewer powered by OpenSeadragon
