| e-texts navigator |
| Wylie |
212a1 བླངས་བདེ་ཉམས་སྐྱོང་།། དགའ་སྟོན་གཏང་རག་རིམ་གྲོ་འབད།། རྡོ་རྗེ་སློབ་དཔོན་དགྱེས་མཆོད་བསྐང་།། དལ་བསྡུ་དགེ་བའི་ཤིས་པ་བརྗོད།། ཡང་དག་སྙིང་པོ་དབྱིངས་སུ་བསྔོ།། བླ་མའི་གསང
212a2 རྒྱུད་བཀའི་བང་མཛོད་ལས། སྨིན་བྱེད་དབང་བསྐུར་བར་བསྟན་པའི་ལེའུ་སྟེ་གཉིས་པའོ།། །། བླ་མེད་ཡང་དག་སྟོན་པ་ཡིས།། ཉིད་ཀྱིས་སྤྲུལ་པའི་འཁོར་རྣམས་ལ།། ལུས་ངག་ཡིད་གསུམ་གྲོལ་བྱེད
212a3 པའི།། བསྐྱེད་རིམ་ལྷ་ཡི་གནད་གསུངས་པ།། ཉོན་ཅིག་སྣང་ཅན་རིག་པའི་འཁོར།། སྣང་བ་འཁྲིད་པའི་སྣ་ཟག་ཏུ།། འཁོར་བ་རུ་ལོག་བྱེད་པའི་ཐབས།། ཡེ་ཤེས་ལྷ་ལ་རིག་པ་གཏད།། ལྷུན་གྲུབ་རང་གསལ་འོད
212a4 ཀྱི་སྒྲ།། སྣང་སྟོང་སྒྱུ་མའི་རང་གཟུགས་ཅན།། ལོངས་སྤྱོད་རྫོགས་དང་སྤྲུལ་པའི་སྒྲ།། ཆོས་སྐུ་རོལ་པའི་རྩལ་ལས་སྣང་།། ཤར་ལྷོ་ནུབ་བྱང་སྟེང་འོག་ཕྱོགས།། དེ་བཞིན་མཚམས་ལ་སོགས་པ་དང་།། འདས་དང་མ
212a5 འོངས་ད་ལྟར་དང་།། དུས་གསུམ་དུས་མེད་དུས་ཀྱི་དབྱིངས།། ཕྱི་རོལ་འབྱུང་བ་འདུས་པའི་མཁར།། རྣམ་པར་སྣང་བའི་གཟུགས་བརྙན་རྣམས།། རང་སྣང་རྣམ་དག་གཞལ་ཡས་ཁང་།། སེམས་ཅན་སྐྱེ་འགྲོར་གྱུར
212a6 པ་ཡང་།། འབྱུང་བའི་དངས་མ་འདུས་པ་ཡིས།། ཕུང་པོ་ལ་ནི་གཟུགས་ཅན་དང་།། ལས་ཀྱི་དབང་བཙན་དཀར་ནག་ཆོས།། གཟུགས་མེད་ཡིད་ཀྱི་ལུས་ལ་སོགས།། བག་ཆགས་རང་སྣང་བཅས་པ་སྟེ།། དག་པ
iiif viewer powered by OpenSeadragon
