| e-texts navigator |
| Wylie |
210b1 བསྒྲུབ།། འཇིག་རྟེན་ཆོས་ལ་ཡིད་མི་འཇུག། གཏོང་ཕོད་ཆེ་ཞིང་མཆེད་ལ་བརྩི།། ཡིད་གཉིས་ཐེ་ཚོམ་བྲལ་ལ་བསྐུར།། ཉ་སྟོང་ཚེས་བརྒྱད་གཟའ་སྐར་བཟང་།། ཕྱི་ནང་མཐུ་རྐྱེན་འཛོམ་པའི་དུས།། བླ་མ་དང་ནི
210b2 སློབ་མ་གཉིས།། གཅིག་ཡུལ་གཅིག་ལ་འདྲེས་དུས་དེར།། སྨིན་བྱེད་དབང་གི་དུས་མཆོག་གོ། ས་གཙང་རབ་དབེན་མཁའ་འགྲོ་འདུ།། ཡིད་འོང་བྱིན་ཆགས་འཚེ་དོགས་བྲལ།། ལྷ་འདྲེ་མི་གསུམ་ཡོངས་ཀྱིས
210b3 བསྔགས།། མཐུན་རྐྱེན་འཛོམ་པའི་གནས་མཆོག་ཏུ།། རྩལ་དང་ལྡན་པའི་བླ་མ་ཡིས།། དཀྱིལ་འཁོར་གསུམ་ལ་གནས་པའི་ངང་།། ལེགས་པར་ས་ཡི་ཆོ་ག་བརྩམ།། འབྱུང་པོ་འདུལ་ཞིང་བྱིན་ཆེན་དབབ།། དེ་ནས
210b4 དཀྱིལ་འཁོར་ལས་ལ་བརྩོན།། གཏོར་མཆོད་ལ་སོགས་ཕྱི་ནང་དང་།། གསང་བའི་རྫས་དང་དབང་བསྐུར་རྫས།། གོ་རིམ་མ་ལོག་ལེགས་པར་བཤམ།། ཐོག་མར་དགེ་བ་སྔོན་འགྲོའི་ལས།། རྣལ་འབྱོར་ལུས་དང
210b5 ངག་ཡིད་གསུམ།། རང་ངོས་བཟུང་བས་གཏན་ལ་ཕབ།། གསང་སྔགས་སྤྱོད་པ་ངེས་འབྱུང་སྤྱད།། དེ་ནས་བདག་བསྐྱེད་མདུན་བསྐྱེད་ལ།། དམ་ཚིག་ཡེ་ཤེས་བསྲེ་བསྣན་ཞིང་།། བཟླས་པའི་རྐང་གྲངས་རྫོགས་པར
210b6 འབད།། མཆོད་པ་སྨན་རག་གཏོར་སོགས་འབུལ།། བར་དུ་དགེ་བའི་དངོས་གཞི་ནི།། བདག་ཉིད་འཇུག་པའི་དབང་བླང་ཞིང་།། སློབ་མ་སྟ་གོན་ལ་གནས་པས།། དཀྱིལ་འཁོར་འཇུག་པའི་ཆོ་ག་འབད།། དེ་ནས
iiif viewer powered by OpenSeadragon
