| e-texts navigator |
| Wylie |
210a1 གཤིས་ལས་མ་གཡོས་དང་།། ཉམ་པ་མེད་པའི་ཏིང་འཛིན་གྱིས།། དམ་ཚིག་ཡེ་ཤེས་གཉིས་མཉམ་བསྲེ།། སྨིན་པར་བྱེད་དང་གྲོལ་བྱེད་དང་།། བདེ་སྟོང་ཡང་དག་སྐད་ཅིག་རྫོགས།། འཁྲུལ་པ་གཞི
210a2 ལ་ཡོངས་རྫོགས་པས།། ཡེ་ཤེས་བླ་མའི་ས་ཆེན་ཉིད།། རྩོལ་མེད་སྐད་ཅིག་ཉིད་ལ་གནོན།། དེ་སྐད་ང་ཡི་རང་རིག་ལ།། སྤྲུལ་པའི་འཁོར་ལ་ཡང་དང་ཡང་།། སྒྲིབ་པ་མེད་པའི་ཚིག་གིས་བཤད།། རྒྱས་པའི་དོན་དང
210a3 བསྡུས་པའི་དོན།། རྣམ་པར་རབ་ཏུ་འཕྲོས་རྣམས་ལ།། འདི་ཀུན་རང་བྱུང་གཞི་ཚིག་གོ། བླ་མའི་གསང་རྒྱུད་བཀའི་བང་མཛོད་ལས། གླེང་གཞིའི་ལེའུ་སྟེ་དང་པོའོ།། །། འདིར་བདག་སྤྲུལ་པའི་འཁོར་རྣམས
210a4 ལ།། བྱིན་རླབས་ཡོངས་སུ་འདུས་པ་ཡི།། དབང་དོན་ཡང་དག་བཤད་ཀྱིས་ཉོན།། དབང་གིས་སྨིན་པར་མ་བྱས་ན།། གྲོལ་བར་བྱེད་པའི་ཟབ་ལམ་ཆད།། ཆོ་གའི་རྒྱལ་པོས་དབང་བསྐུར་ཏེ།། འདི་ལྟར་སྨིན་གྲོལ་ས
210a5 ལ་གནས།། དེ་ཕྱིར་དབང་འདི་སུས་བསྐུར་བ།། མཚན་ཉིད་ཀུན་ལྡན་བླ་མས་བསྐུར།། རང་རིག་རྟོགས་པའི་གདིང་ལ་གནས།། ཞེན་པའི་རོ་ལ་མངོན་མ་ཆགས།། གཞན་དོན་ཐུགས་རྗེའི་རྩལ་དང་ལྡན།། བསྐྱེད
210a6 རྫོགས་བརྟན་པ་ཐོབ་པས་བསྐུར།། དེ་བཞིན་གང་ལ་བསྐུར་བའི་ཡུལ།། གསང་སྔགས་བརྡ་ཡི་སྣོད་རུང་བ།། བློ་ཡངས་དད་བརྩོན་དམ་ཚིག་གནས།། བླ་མས་ཇི་ལྟར་བཀའ་སྩལ་པ།། ལུས་ངག་ཡིད་རྩོལ་ལྡན་པས
iiif viewer powered by OpenSeadragon
