| e-texts navigator |
| Wylie |
209b1 ཡིད་གསུམ་སྟོབས་དང་རྫུ་འཕྲུལ་དབང་པོ་ཉམས་པར་གྱིས།། ཤ་ཁྲག་ཞལ་དུ་སྟོབ་ཅིང་ལྷག་མ་མེད་པར་མཛོད།། བཀའ་འདིའི་བདག་པོ་ཨུ་རྒྱན་གསུང་སྲས་རྗེས་འཇུག་གི། དམ་ཅན་རྒྱ་མཚོ་རྣམས་ཀྱིས་རྟག་ཏུ
209b2 སྲུང་མ་དམ་པར་གྱིས།། བཀའ་གསང་འདི་ཉིད་ཕྱོགས་དུས་ཀུན་ཏུ་དར་རྒྱས་མཛོད།། བཀྲ་ཤིས་བདེ་ལེགས་དཔལ་འབར་ཀུན་ཏུ་ཁྱབ་པར་ཤོག། སྤྲུལ་པའི་སྐུ་མཆོག་གཏེར་སྟོན་སངས་རྒྱས་གླིང་པས་ཛ་དཀར
209b3 དུང་གི་སྒོ་མོ་ཀླུ་བཙན་གནས་པའི་ས་ནས་གདན་དྲངས་པའོ།། །། @#།། ཨུ་རྒྱན་གསང་བ་བརྡའི་སྐད་དུ། ཨན་རྠ་རྩ་མ་ག་རྫས། བོད་སྐད་དུ། བླ་མའི་གསང་རྒྱུད་བཀའི་བང་མཛོད་ཅེས་བྱ
209b4 པབཔ། བྱིན་རླབས་ཐམས་ཅད་འདུས་པའི་བཅོམ་ལྡན་འདས་བླ་མ་སྐུ་གསུམ་གྱི་བདག་ཉིད་དཔལ་ཧེ་རུ་ཀ་བདེ་བ་ཆེན་པོ་ལ་ཕྱག་འཚལ་ལོ།། ཀུན་འདུས་རིག་པ་ཆོས་ཀྱི་སྐུ།། ཡོངས་ཁྱབ་གསལ་བ་ལོངས་སྤྱོད
209b5 རྫོགས།། སྦྲུལ་བསྒྱུར་སྟོན་མཛད་སྤྲུལ་པའི་སྐུ།། ཡང་དག་ངེས་དོན་རྫོགས་པའི་དཔལ།། རང་སྣང་རྣམ་དག་ཡེ་གྲོལ་བ།། བསྐུར་གཞི་བྲལ་བའི་སེམས་ཉིད་དེ།། སངས་རྒྱས་མ་ཡིན་སེམས་ཅན་མིན།། བཅིང་གྲོལ
209b6 ཀུན་ལ་འདས་པ་སྟེ།། གཏན་ལ་ཕབ་ནས་ཡང་དག་རྟོགས།། གུད་དུ་མ་ཡིན་རང་རྩལ་རྫོགས།། བདག་ལུས་རྩ་ཡི་རི་བོ་ལ།། བསྐྱོད་པ་རླུང་གིས་རབ་གཡོས་ཤིང་།། ཁོད་སྙོམས་ཡེ་ཤེས་ཐིག་ལེ་འཕྲོ།། རང་བབ
iiif viewer powered by OpenSeadragon
