| e-texts navigator |
| Wylie |
208b1 ཞིང་།། དེ་བཞིན་མཁྱེན་དང་མི་མཁྱེན་པའི།། ཕྱོགས་སུ་མ་ལྷུང་རིས་མ་ཆད།། ཟུང་དུ་མ་འབྲེལ་ཡ་མ་ཆད། ཁང་མཉམ་ཡངས་པའི་ཕོ་བྲང་དུ།། ཐུགས་ཀྱི་སྣང་བ་རྣམ་པར་སྣང་།། རྣམ་པར་བཀྲ་ཞིང་རྣམ་པར
208b2 འཕྲོ།། དོན་རྣམས་ཀུན་དང་ཡང་དག་པ།། འཁོར་འདས་གཉིས་མེད་གཅིག་ཏུ་གདལ།། ཐུག་པ་མེད་པའི་དཀྱིལ་འཁོར་ནས།། ཟག་པ་མེད་པའི་འོད་ཟེར་གྱིས།། མཐའ་མེད་འགྲོ་བ་རེ་རེ་ཞིང་།། སྣང་བའི་དཀྱིལ
208b3 འཁོར་རྫོགས་མཛད་དེ།། ཡང་དག་འཁོར་ལོ་དེ་སྙེད་ཀྱང་།། དུས་མཐའ་མེད་པར་རབ་ཏུ་བསྐོར།། དེ་དག་ཁྱེད་ཀྱི་ཐུགས་མཐའ་ཡས།། སྐུ་མཐའ་ཡས་དང་གསུང་མཐའ་ཡས།། ཡོན་ཏན་ཕྲིན་ལས་མཐའ་ཡས
208b4 དཔལ།། གཡོ་མེད་དགོངས་ཀློང་མཐའ་ཡས་པའི།། ཐུགས་རྗེ་ཡེ་ཤེས་ཁྱོད་ལ་བསྟོད།། ཨེ་མ་ཧོ། དཔལ་དང་ལྡན་པའི་བཅོམ་ལྡན་འདས། ཁྱོད་ཀྱི་སྐུ་གསུང་ཐུགས་དཀྱིལ་ནས།། ཤར་ཞིང་སྤྲུལ་པའི་ཡི་གེ
208b5 དག། ཚིག་དོན་གསལ་བར་མངོན་ཕྱུང་བ།། བདག་སོགས་གདུལ་བྱ་གྲོལ་བའི་མགོན།། ཐོགས་མེད་རྒྱལ་པོས་བཀའ་སྩལ་པ།། སྙིང་དང་སྤྱི་བོར་ཡང་དག་འཆང་།། ངོ་མཚར་ཐོད་དུ་འདི་ཁུར་རོ།། བཀོད་པ་མཐའ
208b6 ཡས་གསུང་ཚིག་ལ།། འདི་ཀུན་མངོན་པར་སྤྱོད་པའི་རྩལ།། མ་རིག་གཉིད་ལས་སློང་བའི་སྒྲ།། བདག་འཛིན་ཞེན་པ་གཅོད་པའི་གྲི།། ཉོན་མོངས་གཅོང་ནད་འབྱིན་པའི་སྨན།། འཁོར་བའི་རྒྱ་མཚོ་སྒྲོལ་བའི
iiif viewer powered by OpenSeadragon
