| e-texts navigator |
| Wylie |
208a1 ཆེན་པོའི་སྐུ་ལ་བསྟོད།། ཨེ་མ་ཁྱོད་གསུང་སྙན་པ་ཡིས།། སྒྲ་དབྱངས་ཕྱོགས་རྣམས་ཡོངས་ལ་ཁྱབ།། འདུལ་བྱ་རྣམ་པ་དུ་མ་ལ།། རང་རང་སྐད་ཀྱིས་གསུང་རྡོལ་བས།། དོན་ལ་མ་གཡོས་སྒྲ་ཚིག
208a2 གསུང་།། ལོག་པའི་ལམ་དུ་གང་འཁྱམས་པ།། ལེགས་པའི་ལམ་ལ་ཡང་དག་བཀོད།། དབྱངས་ཀྱི་སྤྲུལ་པ་ཡང་སྦྲུལ་ལས།། དོན་དང་བཅས་པའི་སྒྲ་ཚིག་གིས།། འདོད་འབྱུང་ཡིད་བཞིན་ཆར་ཆེན་ཕབ།། མ་དག
208a3 ལོག་སྤྱོད་གནས་སུ་བསྒྱུར།། ཡང་དག་མཛད་པ་མཐར་ཕྱིན་མཛད།། འགག་པ་མེད་པའི་གསུང་ལས་ཀྱང་།། རྒྱུན་ཆད་མེད་པའི་ཆོས་ཆར་གྱིས།། ཉོན་མོངས་མེ་ཡིས་གདུངས་པ་ལ།། ཡེ་ཤེས་བསིལ་བའི་སྤྲུལ་པ
208a4 བསྟན།། འབྲུག་སྟོང་ལྡིར་འདྲའི་ང་རོ་ཡིས།། མུ་སྟེགས་ལྟ་ངན་ཕམ་པར་མཛད།། སྟོན་པ་དབང་ཕྱུག་གསུང་ལ་བསྟོད།། ཨེ་མ་ཁྱོད་ཐུགས་ཡངས་པའི་ཀློང་།། མཁའ་ལྟར་དག་པའི་བཅོམ་ལྡན་འདས།། ཉི་མ་སྤྲིན
208a5 བྲལ་འབུམ་གྱི་གཟི།། ཐུགས་རྗེ་བརྩེ་བའི་འོད་ཟེར་གྱིས།། དྲ་བས་ཉེ་རིང་མེད་པར་གསལ།། བརྩེ་ཆེན་ཡེ་ཤེས་རྣམ་དག་པ།། གཅིག་དང་དུ་མ་དང་བྲལ་བས།། གྲངས་ལས་འདས་པའི་སྣང་བ་འགྱེད།། འདི་དག
208a6 རྒྱལ་དང་རྒྱལ་རྣམས་ཀྱིས། ཁ་ལོ་བསྒྱུར་མཛད་མངོན་འཕགས་པ།། བསམ་གྱིས་མི་ཁྱབ་གདུལ་བྱ་ཡི།། བསམ་པ་ཉིད་ཀྱི་དགོངས་པ་ལས།། དཀྱིལ་འཁོར་རྒྱས་པའི་འཕྲོ་འདུ་ཤར།། བརྩེ་དང་མི་བརྩེ་གཉིས་བྲལ
iiif viewer powered by OpenSeadragon
