| e-texts navigator |
| Wylie |
207b1 པའི་ལེའུ་སྟེ་བཞི་པའོ།། སྠི།། ། གསུང་གི་དབང་ཕྱུག་དཔལ་འབར་བ།། སྟོན་པ་དཔག་མེད་རྒྱལ་པོ་ཡིས།། དེ་སྐད་འདུས་པའི་འཁོར་རྣམས་ལ།། མངོན་སྤྱོད་དྲག་སྔགས་ལས་རྣམས་ཀུན།། ཐོག་མ་བར་དང
207b2 མཐའ་རིམ་བཞིན།། བསྟན་པའི་དོན་དུ་ལེགས་པར་གསུངས།། དེ་ནས་དབང་ཆེན་འབར་བ་སོགས།། དྲག་པོ་ལས་ཀྱི་འཁོར་རྣམས་ཀྱིས།། རང་རང་དཔའ་བའི་རྩལ་ཕྱུང་ཞིང་།། སྤྲུལ་པ་རང་གཟུགས་བཅས་པ
207b3 བསྟན།། གདངས་སྐད་སྙན་པའི་ཤུགས་དག་གིས།། མགྲིན་གཅིག་ཏུ་ནི་མངོན་པར་བསྟོད།། ཧྲཱིཿདུས་གསུམ་སངས་རྒྱས་ཐམས་ཅད་ཀྱི།། གསུང་གི་དབང་ཕྱུག་མཐའ་ཡས་སྐུ།། འོད་དང་གཟི་བརྗིད་དཔལ་འབར
207b4 ཤིང་།། མཐུ་དང་རྫུ་འཕྲུལ་སྟོབས་མངའ་བ།། ཡངས་པའི་དཀྱིལ་འཁོར་རྒྱས་པའི་སྤྱན།། ལེ་བརྒན་ལྗགས་ཀྱི་དབང་པོ་ལ།། ཚངས་པའི་དབྱངས་ཀྱི་འབྲུ་བཀོད་དེ།། གདུལ་བྱ་དག་དང་མ་དག་པ།། གཉིས་མཉམ
207b5 ཆེན་པོའི་ངང་དུ་བསྟིམ།། བརྗོད་པའི་ཚིག་ལ་འབྲས་བུའི་དོན།། རྨད་དུ་བྱུང་བ་ཨེ་མ་ཧོ། ཁྱོད་སྐུ་སྣང་བའི་གཟི་བརྗིད་ཀྱིས།། རབ་ཏུ་རྒྱས་ཤིང་གཡོས་པ་ལས།། འགྲོ་བའི་མ་རིག་མུན་སེལ་བ།། སྣང་བའི་ཡེ་ཤེས
207b6 སྒྲོན་མེ་སྦར།། ངོ་མཚར་འདི་དག་དཔལ་དུ་ཆེ།། གང་ལ་གང་འདུལ་ཕྲིན་ལས་ཀྱིས།། དེ་དང་དེར་སྟོན་རྣམ་པར་མཛད།། དཔག་ཏུ་མེད་པའི་སྤྲུལ་པ་ཡིས།། སྣང་སྲིད་འཁོར་འདས་ཡོངས་ལ་ཁྱབ།། དཔལ་འབར
iiif viewer powered by OpenSeadragon
