| e-texts navigator |
| Wylie |
205b1 ཅན།། སྲུང་མའི་གཏོར་མ་བཅས་པ་འབུལ།། ཕྲིན་ལས་མྱུར་མགྱོགས་བྲག་ཏུ་བསྐུལ།། དུལ་མོ་བརྟུལ་ཞིང་ལས་ལ་རྦད།། དེ་ནས་དྲག་ཏུ་འདི་སྐད་བརྗོད།། ཧོ། ཡེ་ཤེས་དང་ལས་ལས་གྲུབ་པའི་སྲུང་རང་རང་གི་སྲུང
205b2 མའི་མིང་ནས་བརྗོད་དོ།། མ་ཐུགས་དམ་ཅན་ཁྱེད་རྣམས་ལ། དགྲ་བོ་ཆེ་གེ་མོ་འདིའི་ལུས་སྲོག་དབང་ཟང་ཆུས་སྲིད་དང་བཅས་པ་ཟས་སྐལ་དུ་གཏད་པ་ཡིན་པས། འདིའི་ཤ་ཟོ། ཁྲག་འཐུང་། སྲོག་ཆོད། དབུགས་ལོངས།
205b3 ལས་ཀྱི་མཐའ་བསྡུས་ལ། ལོ་དང་ཟླ་བར་མ་བཞག། ཞག་དང་ཟ་མར་མ་ཤོར་བར་མྱུར་དུ་སྒྲོལ་ཅིག། ཆེ་གེ་མོ་འདིའི་ལུས་སྲོག་ལ་སྟེང་ལྷའི་ཟ་ལམ་གཏོད་ཅིག། འོག་ཀླུའི་ཟ་ལམ་གཏོད་ཅིག། དྲང་སྲོང་གཟའི་ཟ
205b4 ལམ་གཏོད་ཅིག། ཅེས་སོགས་སྲུང་མ་མང་པོ་དང་།། སྣང་སྲིད་ལྷ་འདྲེ་མང་པོ་ཡི།། མིང་ནས་བོས་ཏེ་ཟ་ལམ་གཏད།། རིགས་དང་རིགས་མཐུན་བདུད་དུ་དབབ།། དེ་བཞིན་རང་གཤེད་རང་དབབ་ཀྱི།། ཟ་ལམ
205b5 གཏད་པའི་རིམ་པ་རྣམས།། ལས་མཐུན་སྤྲད་པའི་དྲག་སྔགས་བརྗོད།། དྲང་སྲོང་རྣམས་ཀྱི་དམོད་པ་འདོར།། བགེགས་ཆེན་དག་ཀྱང་གཤེད་དུ་དབབ།། ལས་ཀྱི་རིམ་པ་དྲག་མྱུར་འབད།། དེ་ནས་ནང་རྟགས་ཆོ
205b6 འཕྲུལ་དང་།། རྩུབ་འགྱུར་སྣ་ཚོགས་འབྱུང་བ་དང་།། སྲུང་མ་ཐམས་ཅད་དྲག་ཏུ་རྦད།། ཕྲིན་ལས་བསྐུལ་ཞིང་གཉེར་གཏད་བྱ།། དགྲ་ལ་འཁུ་འཕྲིག་སློང་བ་ཡི།། ལྟས་ངན་ཕྲིན་བསྒྱེལ་གཏང་བར་བྱ།། སྣ་སེལ་ལས
iiif viewer powered by OpenSeadragon
