| e-texts navigator |
| Wylie |
202b1 འགྲོ་ཐམས་ཅད་ཀྱི་ཕྲིན་ལས་ཀྱི་རྒྱུད་སྤུ་གྲི་རེག་གཅོད་ལས། དངོས་གཞིའི་ལས་རིམ་བསྟན་པའི་ལེའུ་སྟེ་གསུམ་པའོ།། སྠི།། ། གཟི་བརྗིད་མཐའ་ཡས་བཅོམ་ལྡན་འདས།། སྟོན་པ་དབང་མཆོག་རྒྱལ་པོ
202b2 ལ།། འདུས་པའི་འཁོར་གྱི་གཙོར་གྱུར་པ།། དབང་ཆེན་འབར་བས་ཡང་ཞུས་པ།། དྲག་པོའི་ལས་ཀྱི་མཐའ་སྡུད་རྣམས།། གདུལ་བྱའི་འཁོར་ལ་སྩལ་དུ་གསོལ།། ཞེས་པ་སྟོབས་ཀྱིས་ཞུས་པ་ཡིས།། སྟོན་པ་གཟི།
202b3 བརྗིད་དཔལ་འབར་བས།། དྲག་པོའི་ལས་རྗེས་བཀའ་སྩལ་པ།། མ་ཡེངས་འདུས་པའི་འཁོར་རྣམས་ཉོན།། གནོད་བྱེད་དགྲ་བགེགས་བསྒྲལ་ལ་སོགས།། དྲག་སྔགས་ལས་ཀྱི་རྗེས་རྣམས་ནི།། རང་ཉིད་མ་ཉེས
202b4 དཔང་གཟུག་དང་།། ཁོ་ཡི་ཉེས་པ་བསྒྲག་པ་དང་།། བཞེས་དྲངས་ཟ་ལམ་གཏད་པ་དང་།། ཕྲིན་བརྫང་མནན་བསྲེག་འཕེན་པའོ།། རང་ཉིད་མ་ཉེས་དཔང་གཟུག་པ།། ཡེ་ཤེས་ལྷ་དང་སྲུང་མ་དང་།། སྣང་སྲིད་ལྷ
202b5 འདྲེ་རྣམས་དང་ནི།། ཡུལ་ལྷ་གཞི་བདག་ལ་སོགས་ལ།། གཏོར་མ་གསེར་སྐྱེམས་གསོལ་མཆོད་བྱ།། བདག་ཉིད་ལྷ་ཡི་ང་རྒྱལ་བསྐྱེད།། ཧོ་ཕྱོགས་བཅུའི་རྒྱལ་བ་སྲས་བཅས་དང་།། བླ་མ་ཡི་དམ་མཁའ་འགྲོའི
202b6 ཚོགས།། དམ་ཅན་ཆོས་སྐྱོང་སྲུང་མ་དང་།། ཡེ་ཤེས་དབྱིངས་ཀྱི་ལྷ་ཚོགས་རྣམས།། བདག་ལ་གསན་ཅིང་དགོངས་སུ་གསོལ།། ལྷ་ཀླུ་གནོད་སྦྱིན་ལ་སོགས་པའི།། སྣང་ཞིང་སྲིད་པའི་ལྷ་འདྲེ་རྣམས།། འཇིག་རྟེན
iiif viewer powered by OpenSeadragon
