| e-texts navigator |
| Wylie |
202a1 བཞིན།། ཡེ་ཤེས་སེམས་དཔའི་ཐུགས་ཀར་ཐིམ།། ཡེ་ཤེས་སེམས་དཔའ་རང་ཉིད་ཀྱི།། ཐུགས་ཀར་ཐིམ་ནས་གཉིས་མེད་ཀྱི།། རང་ཉིད་ཆོས་ཀྱི་དབྱིངས་སུ་གཤེགས།། ཡང་ན་ཡེ་ཤེས་སེམས་དཔའ
202a2 དེ།། དཔག་ཆེན་གནམ་མདའ་འཕང་བ་བཞིན།། ཆོས་ཀྱི་དབྱིངས་སུ་གཤེགས་པར་དམིགས།། ཚེ་ལུང་བདག་གི་ཐུགས་ཀ་ནས།། ཡི་གེ་ཨ་དཀར་འཕྲོས་པ་ཡིས།། ཁོ་ཡི་ཚེ་སྲོག་བཀུག་ནས་ཀྱང་།། རང་གི་སྙིང
202a3 གར་བསྟིམ་པ་ཡིས།། རང་གི་ཚེ་སྲོག་བསྣོན་པར་དམིགས། ཁྲུས་ལུང་རང་གི་གནས་གསུམ་ནས།། ཡི་གེ་འབྲུ་གསུམ་འཕྲོས་པ་ལས།། ཡེ་ཤེས་བདུད་རྩིའི་ཆུ་རྒྱུན་བབས།། དམིགས་བྱའི་ལུས་ངག་ཡིད་ལ་ཕོག། དེ
202a4 ཡི་ཉོན་མོངས་སྡིག་སྒྲིབ་རྣམས།། རྣམ་པར་བྱང་དེ་སྒྲིབ་བྲལ་ནས།། ཡེ་ཤེས་ཆེན་པོར་གྱུར་པར་དམིགས།། དེ་ལྟར་གནས་སྦར་ཚེ་ལུང་ཁྲུས།། སྒྲིབ་སྦྱང་ལས་སྦྱོར་གང་བྱེད་ཀྱང་།། ཡེ་ཤེས་ལྷ་ཡི་ང་རྒྱལ
202a5 བསྐྱེད།། སྙིང་རྗེ་བྱང་སེམས་རྒྱུད་ལ་བྱ།། ཡེ་ཤེས་དག་པའི་དགོངས་པས་སྦར།། སྒྲིབ་པ་དག་ནས་ལས་རྣམས་འགྲུབ།། བྱང་ཆུབ་ལམ་གྱི་གྲོགས་སུ་འགྱུར།། དེ་ལྟར་མངོན་སྤྱོད་དངོས་ཀྱི་ལས།། སྟོབས་ཆེན་རྒྱལ
202a6 པོས་བརྩམ་པ་ན།། གནོད་བྱེད་དགྲ་བགེགས་བརླག་པར་འགྱུར།། ཡང་དག་ལས་ཀྱི་མཐར་ཐུག་སྟེ།། གདུལ་བྱ་ལོག་སྲེད་གྱུར་པ་རྣམས།། བསྒྲལ་ནས་འདྲེན་པའི་ཐབས་མཆོག་གོ། བླ་མ་ཡི་དམ་མཁའ
iiif viewer powered by OpenSeadragon
