| e-texts navigator |
| Wylie |
201b1 ཞེ་སྡང་མུན་ལྟར་གཏིབས།། སྲོག་གི་ཤན་པ་རྦབ་ལྟར་བསྒྲིལ།། དུས་གསུམ་དུས་དྲུག་ཐུན་ལམ་བླངས།། དེ་ནས་ཕོ་ཉའི་དམག་དྲངས་ལ།། སྲོག་འཕྲོག་བསད་པའི་ལས་ལ་འཇུག། ཕོ་ཉ་རྦད་ཅིང་ཕྲིན་ལས
201b2 བསྐུལ།། ལས་ཀྱི་ཤན་པ་མ་རུངས་པ།། སྤྲུལ་པ་ཡང་སྦྲུལ་བཅས་རྣམས་ཀྱིས།། དམིགས་བྱ་དགྲ་བགེགས་གང་ཡིན་པ།། སྲོག་བཅད་དབུགས་འགག་ལུས་པོ་གཏུབས།། ཤ་ཟོས་ཁྲག་འཐུང་རུས་པ་བཅོམ།། ལྷག
201b3 རོལ་ཙམ་ཡང་མེད་པར་བསམ།། རུལ་མྱགས་ཐལ་བ་རྡུལ་དུ་བརླག། བསད་པ་ལས་ཀྱི་སྤུ་གྲིའི་ངར།། རབ་ཏུ་འབར་བའི་ལས་བྱས་བསམ།། དེ་ལྟར་རྣམ་ཤེས་རྟེན་དང་ཕྲལ།། སྲོག་དང་བྲལ་བའི་གཟུགས་ཕུང
201b4 དེ།། ཡེ་ཤེས་ལས་ལས་གྲུབ་པ་ཡི།། ལྷ་དང་སྲུང་མ་ཐམས་ཅད་ཀྱི།། ཞལ་དུ་དབུལ་ཞིང་བསྟབ་པར་བྱ།། འདོད་ཆགས་ཁྲག་ལ་ཧུབ་ཀྱིས་བཏབ།། ཞེ་སྡང་རུས་ལ་ཆེམ་གྱིས་བཟས།། གཏི་མུག་ཤ་ལ་ཧབ་ཀྱིས
201b5 རྔམ།། དུག་གསུམ་ཤ་ཁྲག་རུས་པའི་ཚོགས།། ལྷ་དང་སྲུང་མའི་ཞལ་དུ་བསྟབ།། རྡུལ་ཆ་ཕྲ་མོ་ཙམ་ཞིག་ཀྱང་།། མ་ལུས་ཞལ་དུ་ཐིམ་པར་དམིགས།། དེ་ལྟར་གཟུགས་ཕུང་ལྷ་ལ་འབུལ།། ལས་ཀྱི་ལྷག་མ་བསྡུ་བར
201b6 བྱ།། དེ་ནས་རྣམ་ཤེས་སྦར་བ་ནི།། བདག་ཉིད་ལྷ་ཡི་ཐུགས་ཀ་ནས།། ཡེ་ཤེས་སེམས་དཔའ་ཚོན་གང་བ།། རྒྱངས་ཀྱིས་ཐོན་ནས་དམིགས་བྱ་ཡི།། རྣམ་པར་ཤེས་པའི་ངོ་བོ་ནི། ཁབ་ལེན་རྡོ་ཡིས་ལྕགས་བླང
iiif viewer powered by OpenSeadragon
