| e-texts navigator |
| Wylie |
200b1 སྒྲོག་དྲིལ།། དཔག་ཏུ་མེད་པའི་སྤྲོ་བསྡུ་ཡི།། དགྲ་བོ་ཟས་ལ་ཡེངས་པའམ།། གཉིད་ཀྱིས་ནོན་པའི་དུས་སུ་དགུག། ལག་པ་ལྕགས་ཀྱུའི་ཕྱག་རྒྱ་བཅའ།། དཀོན་མཆོག་བདེན་པའི་སྟོབས་བརྗོད་དེ།། དམིགས་བྱ
200b2 དགྲ་བོ་གང་ཡིན་གྱི།། རྣམ་ཤེས་ཡི་གེ་ནརྀ་ཡི་ཚུལ།། རང་དབང་མེད་པར་བཀུག་ནས་ཀྱང་།། དམིགས་རྟེན་རཱུ་པ་དག་ལ་བསྟིམ།། གཞན་ཡང་དབང་པོ་གཟུགས་ཕུང་བཅས།། དྲག་ཏུ་བཀུག་ལ་གཟུགས་ལ
200b3 བསྟིམ།། ལུས་འདར་ངག་དང་ངས་སེམས་མྱོས་ནས།། མངོན་སུམ་མདུན་དུ་ཁུགས་པར་བསམ།། བགེགས་ཀྱི་ས་བོན་ཏྲི་ལས་བསྐྱེད།། དགུག་གཞུག་སྔར་དང་འདྲ་བ་ལས། ཁྱད་པར་ནམ་ཕྱེད་ཉིན་བྱེད
200b4 དགུག། རྣམ་ཤེས་ཏྲི་ཡི་རྣམ་པ་ཅན།། དམིགས་རྟེན་རང་གཟུགས་དག་ལ་བསྟིམ།། གཞན་ཡང་དགྲ་བགེགས་འགུགས་པ་ཡི།། སྦྱོར་བའི་རྣམ་གྲངས་དཔག་མེད་བྱ།། ལྷ་དབྱེ་གྲོགས་དང་ཕྲལ་བ་ནི།། རྫས་ངན་དུད
200b5 པས་རཱུ་པ་བདུག། དབྱེ་བའི་ཕྱག་རྒྱ་དམོད་མོ་དང་།། སྔགས་རྣམས་བརྗོད་ཅིང་དམིགས་པ་གཏད།། ཕོ་ལྷ་དགྲ་ལྷ་མ་ལྷ་དང་།། ཞང་ལྷ་སྲོག་ལྷ་ལེའུའི་ལྷ།། ཡུལ་གྱི་རྩེ་ལྷ་ལ་སོགས་པའི།། མགོན་སྐྱབས་དཔུང
200b6 གྲོགས་བྱེད་པ་ཡི།། རྒྱབ་བརྟེན་དག་དང་ཕྲལ་བར་བྱ།། གྲོགས་མེད་རྟེན་དང་བྲལ་ནས་ཀྱང་།། མགོན་སྐྱབས་དཔུང་རོགས་མེད་པར་བསམ།། དེ་ནས་གཟུགས་ལ་དབབ་པ་ནི།། ལུས་ལ་ལུས་དང་ངག་ལ
iiif viewer powered by OpenSeadragon
