| e-texts navigator |
| Wylie |
200a1 དགུག་པ་དང་།། ལྷ་དབྱེ་སྲོག་དང་ཕྲལ་བ་དང་།། གཟུགས་ལ་དབབ་དང་བྱད་དུ་གཞུག། ཐུན་གྱིས་བྲབ་དང་སྲོག་འཕྲོག་ལས།། གཟུགས་ཕུང་ལྷ་ལ་དབུལ་བ་དང་།། རྣམ་ཤེས་སྦར་དང་ཚེ་ལུང་དང་།།
200a2 ཁྲུས་ལུང་དག་གིས་ལས་ལ་སྦྱར།། དང་པོ་དམིགས་བྱ་བསྐྱེད་པ་ནི།། བདག་ཉིད་ལྷ་ཡི་ང་རྒྱལ་གྱིས།། མདུན་དུ་ལས་ཀྱི་གཤིན་རྗེ་ཡི།། ཕོ་བྲང་དྲག་ཤུལ་འཇིགས་པའི་གནས།། གཏི་མུག་མུན་པ་ནག་པོའི
200a3 ནང་།། ཞེ་སྡང་རླུང་ནག་འཚུབ་པའི་དཀྱིལ།། འདོད་ཆགས་མེ་དཔུང་འབར་བའི་དབུས།། ལས་ཀྱི་བཤན་པ་རྒྱུ་བའི་ས།། ཁྲོ་རྒྱལ་དམག་དཔུང་འདུས་པ་དེར།། དམིགས་རྟེན་རཱུ་པ་དེ་ཉིད་ཀྱི།། དགྲ་བགེགས་གང
200a4 ཡིན་ས་བོན་ལས།། མངོན་སུམ་ལམ་མེར་སྣང་བའི་གཟུགས།། ཤིན་ཏུ་རིད་ལ་ཉམ་ཐག་པ།། ལག་པ་མྱ་ངན་ཕྱག་རྒྱ་བཅའ།། སྐྲ་གཟིང་མིག་ནས་མཆི་མ་འབབ།། སོ་གཙིགས་ལྕེ་བརྐྱངས་མ་ནེ་འཕྱང་།། ཡི་མུག
200a5 ཚུལ་དུ་གནས་པའམ།། ཡང་ན་དགྲ་བགེགས་གང་ཡིན་ཀྱང་།། རང་གཟུགས་རྣམ་འགྱུར་ཆ་ལུགས་ཅན།། ཤིན་ཏུ་རྒུད་པའི་རྣམ་པར་གསལ།། དེ་ལྟར་བརྟེན་ལ་བསྐྱེད་ནས་ཀྱང་།། རྣམ་ཤེས་རྟེན་ལ་དགུག་པ
200a6 ནི།། རང་ཉིད་དབང་ཆེན་འབར་བའམ།། མོས་པའི་ཁྲོ་བོར་བསྐྱེད་བྱ་སྟེ།། ཆེ་བའི་ང་རྒྱལ་ལྡན་པའི་ངང་།། ཐུགས་ཀ་ལ་སོགས་གནས་རྣམས་ནས།། ཕོ་ཉ་སྤྲུལ་པའི་ལས་མཁན་ནི།། ལྕགས་ཀྱུ་ཞགས་པ་ལྕགས
iiif viewer powered by OpenSeadragon
